Black Bear

Open Now

Now Closed

餐廳裝修非常精緻，木系裝修。座位排列唔會好密集好適合三兩知己聚會。餐廳都算新開，第一次去試食。叫左一份煙三文魚牛油果沙律同茄汁虎蝦扁意粉。份量唔算話好大份，如果男仔食可能會覺得少左d，可能要order 飯類會好d。但女仔食就岩岩好。好推薦佢地既沙律，真係好好味。沙律係已經每塊沙律菜都沾滿胡麻醬，唔係就咁倒d汁落去就算，都幾有心機。意粉就似龍蝦汁味，多過似茄汁味。如果中意濃味d既朋友都好岩食。但個人認為如果茄味重d會更好食完主食仲叫左個咖啡味軟雪糕食。好大一杯！仲要好濃既咖啡味！真心推薦！