Video
Read full review
2023-03-22
930 views
除咗裝修幾好，碗碗碟碟幾靚之外，冇樣嘢好。衛生本來考慮過俾5分，不過影相嗰陣有隻蚊滋係咁嬲住我個飯。去到餐廳冇咩人，得兩三枱客，有90%吉位。但係店員都唔俾我坐我想坐的4人梳化位，佢指指兩張枱，一係呢張，一係呢張（餐廳中間4人方枱，或梳化位2人細枱）。我唔知邏輯喺邊度，就揀咗張二人細枱，直到我走嘅時候，附近的梳化四人枱都冇人坐的。餐廳有兩本餐牌，一本主餐牌，一張細餐牌。我同佢講我要一個小食拼盤，同埋一個菠蘿炒飯，佢就問我要邊一張餐牌嘅菠蘿炒飯，原來兩個餐牌都有菠蘿炒飯，一個係海鮮，一個係雞肉。我就叫咗雞肉。⬇️下圖是我叫的小食拼盤食物上枱，我哋兩個女仔掛住影相，影完相之後我哋就發覺原本我哋係因為想食沙嗲串燒所以先至叫嘅小食拼盤，唔見咗串燒。咁我就向一個白色恤衫嘅店員查詢，佢就話餐牌已經改咗，而家拼盤就係呢啲食物。咁我諗住算數啦，就拮咗一粒魷魚上個碟，我朋友就拮咗半件粟米魚餅上個碟。然後我朋友問我圓形4粒係乜嘢，我都唔知，就問一個黑衫店員這個新拼盤其實包括了什麼，我就比手機menu 張相佢睇，話我原先唔係叫呢個拼盤。佢就拎出另外一個Menu，下圖：（我之前冇看到）佢話我冇講清楚，呢個都係叫
去到餐廳冇咩人，得兩三枱客，有90%吉位。但係店員都唔俾我坐我想坐的4人梳化位，佢指指兩張枱，一係呢張，一係呢張（餐廳中間4人方枱，或梳化位2人細枱）。
我唔知邏輯喺邊度，就揀咗張二人細枱，直到我走嘅時候，附近的梳化四人枱都冇人坐的。
餐廳有兩本餐牌，一本主餐牌，一張細餐牌。
我同佢講我要一個小食拼盤，同埋一個菠蘿炒飯，佢就問我要邊一張餐牌嘅菠蘿炒飯，原來兩個餐牌都有菠蘿炒飯，一個係海鮮，一個係雞肉。我就叫咗雞肉。
⬇️下圖是我叫的小食拼盤
食物上枱，我哋兩個女仔掛住影相，影完相之後我哋就發覺原本我哋係因為想食沙嗲串燒所以先至叫嘅小食拼盤，唔見咗串燒。
咁我就向一個白色恤衫嘅店員查詢，佢就話餐牌已經改咗，而家拼盤就係呢啲食物。
咁我諗住算數啦，就拮咗一粒魷魚上個碟，我朋友就拮咗半件粟米魚餅上個碟。
然後我朋友問我圓形4粒係乜嘢，我都唔知，就問一個黑衫店員這個新拼盤其實包括了什麼，我就比手機menu 張相佢睇，話我原先唔係叫呢個拼盤。
佢就拎出另外一個Menu，下圖：（我之前冇看到）
佢話我冇講清楚，呢個都係叫小食拼盤，但餐廳已經冇做我叫那個特色小食拼盤了，轉了這個。
這時，白衫店員就走過來，（不算禮貌地）話唔啱食就幫我取消，咁我見佢咁嘅態度，咪取消囉。
佢即時收走咗個拼盤兼夾冇講任何嘢，收埋我哋兩個食緊嘢嗰隻碟同埋叉（應該驚我哋食咗碟上邊嗰粒魷魚或者粟米餅會着數咗）。
本來佢話cancel嗰下，我有叫佢比餐牌我諗住再叫食物，不過見到咁樣其實幾侮辱，條氣都幾唔順，所以就冇再叫。好老實如果我要拎着數，我就食多幾件先至出聲啦。
最奇怪兩個餐牌都有菠蘿炒飯你就識得問要邊一個菠蘿炒飯。你兩個餐牌都有小食拼盤，點解你又唔問吓個客要邊一個小食拼盤？
係唔係每一個客人都要熟讀你嗰兩本Menu？
講返食物質素，淨係食咗菠蘿炒飯，好鹹，配料唔多，飯多。
另外都叫咗杯Fresh coconut juice，佢係有粒粒椰青肉，但係佢比一條幼飲管，都飲得幾辛苦，成日塞住。
總結：我好有禮貌咁樣問吓佢新嘅拼盤食物其實是什麼（真心睇唔出，各位自己可以睇吓張相），同埋反映返這不是我叫的食物。佢就兩個男人過嚟，白衫仲比面色你睇，好似我唔啱咁，根本我就冇打算取消碟嘢，你叫我取消，但又要好冇禮貌咁對我。
Post
