Greyhound Café (太古城中心)

Open Now

Now Closed

最近咗greyhound太古分店，真係好失望，感覺完全唔值。首先，上菜速度實在太慢，等咗超過半個鐘，最後上到嚟嘅咖喱雞飯竟然係暖嘅，雖然佢用個鍋類嘅器皿裝住，但下面係冇火暖住嘅，完全唔值$128，我食過出面嘅兩餸飯質素都好過佢。而且我點嘅冬陰功河夾出嚟嘅河粉係一餅嘢咁，完全唔值$128。食物質素同價錢根本唔成正比，真係好失望。人手又唔夠，服務態度都唔好，影響咗成個用餐體驗。總括來講，我真係唔會推介呢間餐廳，希望佢哋可以改善下。

（自費，真實食評）平時慣咗同老公去銅鑼灣食晚飯，但今日趁於這店在OpenRice book位有九折 （只限Monday to Thursday)，就同老公去食。點了：牛肉牛丸湯米粉、雙式魚餅（已經介紹過）豬柳串燒糯米飯： 糯米飯煮得剛好，不會硬，很香，燒豬柳有三串，有小碗裝上醬汁，味道唔錯。鮮魷魚筒： 魷魚size不大，很新鮮，個汁調得OK。Coconut yogurt shake: 賣相好靚，味比較淡，味道都可以。埋單都係around五百，性價比不錯。

My old dad was yelled at by the staff “你做乜野” in the middle of the restaurant while we want to move to window side of seats. Everyone were looking at how rude the staff is.. speechless, this place has the worst services. ShameOn you! Another time my old mom asked to order something from the menu, and the waiter pointed to her to check in digital menu and was rushing to leave (when he was not actually that busy)

經常都會來這店吃，環境舒適，啲嘢食又好食。今日點了：1） 牛肉牛丸湯米粉： 牛朒炆得入味，充滿牛香味，牛丸普通，湯濃郁好喝，米粉品質好。2） 凍泰式奶茶： 很正宗，茶濃淡適中，奶的份量也夠，好好飲。3） 雙式魚餅： 兩種泰式魚餅，一款是平時食到比較濕潤，一款比較乾身，兩款味道都好好。

今日食午餐，服務員坐低後禮貌叫好多次都唔應，我坐一端，但餐具同埋所有擺設在另一邊，服務員攞菜上枱都完全冇件事，我仲要自行將桌上飲品和食物移動以便將餐具紙巾𢲡過耒，中途熱水也倒番，事後我同所謂經理反映，佢竟然說我將餐具移到枱另一邊，回答過程滿臉不屑，態度惡劣，勉強講sorry, 完全沒誠意，俾錢仲要受氣，非常差勁體驗👎

有個唔係著制服嘅男侍應(相信係經理級），好高大，服務態度超超超超差，無心唔好做飲食行業啦好心，做衰曬香港。 食晒物味道ok , 大部分煎炸濃味嘢食，啱口味較重人士，如果有小朋友就唔係好啱食，河粉唔錯。

最近去過呢間分店兩次，服務態度差，諗住去多一次試吓，其中只有一個華人後生女服務好啲之外，其他人服務很差，所以應該不會再去，要食都去第二間分店吧！星期六晚已經咁少人幫襯，再繼續咁嘅服務態度，就真係幫佢唔到…..

今日Happy Friday dinner想食泰國菜 諗起2年前食過 嚟之前睇到openrice食評 話啲staff麻麻地 但今日我嚟到就覺得不錯 keep住有staff係到行 想飲杯水都唔洗四圍搵人 或者今日餐廳唔係full Booking啦所以服務都可以的 2人可以坐4人枱 舒服哂進入正題 當然要叫佢個招牌脆炸單骨雞翼普普通通 想食炸雞翼作個小食都不錯仲叫咗鮮蝦帶子墨魚汁麵 辣味夠出 但份量就細咗少少 呢一個就性價比低好多之後就叫咗一個香紅咖喱鴨煲配印度煎餅甜咖喱為主 鴨係現成燒肉買返嚟嗰啲但係都不錯 配煎餅真係一流 但係配兩塊煎餅真係唔夠食兩個人 要另外再嗌最後飲品方面🍹叫咗兩杯Greyhound Style Iced Lemon Tea第一次食嗰陣冇嗌到呢一個嘢飲 所以今次就特別再嗌返 不過同menu上面一啲都唔同樣 完全唔覺得係signature只係一杯好細杯嘅檸檬茶加一塊青檸總結 味道方面不過不失 但性價比就比較低 份量較少 咖哩鴨煲配印度煎餅 就啱我食如果太古附近開其他泰國菜就未必會選擇佢嚕～

食物質素不錯，但就像大家的食評一樣，服務非常差！好難想像比成200蚊一個lunch，仲要比個著便服嘅waiter(唔知係咪經理)用不好的態度對待，仲衰過茶餐廳，我以為係我自己敏感，點知上openrice先發現咁多人都話態度好差！

24/4/2024lunch time, 我地共5人，手機就黎冇電，叫服務員落單。服務員落單前串我，做乜五用自己電話落單，我話冇電，要求佢落，佢見我朋友有電話，話你地可以用手機落單，我話呢個電話系朋友，不是我。我同佢不太熟。侍應即刻話需唔需要同你地分單。我話淨係需要落單。敢你衣家落五落單呀。最後，米又係要幫我落單。 串完我都系要幫我落單嫁剌。我以後不會再去呢間垃圾餐廳，一個lunch 都$150 左右，連敢既服務，正垃圾。有呢啲員工、食物幾好都五會再去了。五怪得飲食業敢差、冇比較冇傷害。

於午餐時段,餐牌上列明有A B C 等項目, 而每項均有價錢至於項目頂上列明如$48, $68, $98 等. 亦有套餐如A+B $138, B+C $168... 等. 惟用手機點餐時並沒有單點項目價錢, 只能點套餐或正價( 較貴) 之食物🤔. 請侍應落單卻表示沒有單點,必須點套餐🥺, 有較高級的店員前來補充解釋：餐牌上所示的午餐單點價錢是假的, 只作參考, 此乃由其市場部制作, 而點餐是必須點套餐或正價....oh my god😡, 竟從高級店員親口說該餐牌價錢是假的😤, 如此荒謬的食店於甲級商場營運, 不難解釋近期香港食肆銷情☹️👎👎👎

為左呢間野第一次出post ! 可想而知食到幾嬲！依家出街食飯都唔預會有啲咩service！一切reasonable過得去就算。但呢間好野呀，有個男侍應，o係唔同group都有人投訴過，相信係同一個人。對啲食客喝狗咁喝，基本禮貌都無！大佬呀，我俾錢黎食飯，仲要黎受氣？我以後都唔會去！間鋪啲員工由上至下都好有問題，完全冇管理可言，唔想做就唔好做啦，做到好似山寨王咁，都癡線！啲野食就正正常常，俾得咁嘅價錢，大把更好選擇！

男侍應無禮貌，故意漏單，明明用openrice book枱出席咗都被話缺席！催幾次都話廚房煮緊，等咗大半個鐘先人黎話無落單（個男侍應竟然無落單！），咁之前煮緊咩？哩間餐廳愈來愈差，永久blacklist!Do not recommend this restaurant to anyone, save your money and save your time from this horrible restaurant !!

差！ 差！ 差！食物差！ 服務差！叫了兩個餐，雜菌炒金邊粉同啖啖蟹肉奄列。落咗十幾分鐘咩都無上，反而隔離枱遲落單，一落就上餐湯。問職員是否漏單，竟然話處理中。等隔離枱上埋主菜我地餐湯先上。雜菌炒金邊粉，得幾片磨菇都夠膽叫雜菌，其他料得豆乾、芽菜、蔥片等，料少得可憐。最離普的係，金邊粉好硬身，口感似生米，應該係乾的金邊粉未用熱水煮透就攞去炒。夾硬食咗幾啖就放棄了。啖啖蟹肉俺列徧油膩，蟹肉也不是啖啖，十分普通，基本上得蛋味，茶記的仲好食過佢。埋單叫職員，示意會來，等了幾分鐘都末來，再叫另一個先埋到單。總括呢講，你要的需求，都必須叫人兩次，好悲哀😞。漏單又唔認錯。份量少，味道麻麻，服務對唔起價錢。兩人連加一要三百蚊。附近小店食泰式炒粉，平一半都好過呢間多多聲，仲免加一，包凍飲。

今次我去咗太古城的Greyhound試咗下佢哋家的菜式，第一道就係特色小食拼盤串燒，真係得嚟全世界都搵唔到嘅款！串燒燒得啱啱好，外皮微焦香脆，咬落去牛肉嘅肉汁四溢，雞肉就嫩彈入味，配上生菜同薄荷葉，咔嘰一口，爽呀🥰。話哂，沙嗲豬頸肉非常入味，腍滑得嚟帶啲微微既焦香，食落真係有種融化喺口中的感覺，伴隨的多士就有點摸不著頭腦，反正重點係夠味呀！不過，鮮蝦金邊粉就真係一絕，嗰個層次分明嘅醬汁，食落既時候辣得點，酸酸甜甜，每條粉都包裹住滿滿的元氣，鮮蝦跳咗一晚disco咁，超有勁！點甜品都要提提大家，佢哋嘅椰子千層蛋糕，啲忌廉一啖個天堂，唔會太甜膩，夾杂住新鮮嘅椰肉，真係有種走進熱帶雨林嘅錯覺，稱得上係完美。飲品嘅泰式奶茶同青檸梳打，都係清新嘅佳品，好似係炎炎夏日嘅微風咁，暢快😌！總括一下，Greyhound既食物質素穩定，係呢個城市中可以搵到一個難得嘅泰國風情。食盡泰味，真係幾正！🍽✨