芽莊越式料理

Open Now

Now Closed

基本上食物同飲品質素係唔錯的，但所有嘢都衰喺個魚露手上，魚露唔夠甜唔夠濃唔夠香，總之就係差咗啲嘢咁，賣相唔錯嘅食物本來期望很高點知沾上魚露之後變極失望，我們一枱3個人都係同一感覺，須知魚露對於東南亞菜嚟講係非常之重要。嗰位應該係經理嘅職員態度硬係怪怪的，唔可以話佢冇禮貌，但又絕對唔係笑臉殷勤嗰隻，好似唔係好高興招呼你但佢又冇嘢令你要投訴佢，總之唔知想點咁啦，係嗰種佢冇得罪你但你會盡量唔想同佢講嘢嗰啲人。由於沒有下午茶套餐所以散叫，3個人3杯凍飲+3款小吃(魚餅，濱海，粉卷)食咗4百7十幾蚊，下午茶每人平均over$150, 貴就一定㗎喇，但係如果個魚露好味啲同個經理啲面口正常番少少條氣會順啲。