呼吸咖啡茶館 (Closed)

其實我已經唔係第一次泥呢間呼吸cafe食野了😆我最中意呢間Cafe環境舒適，昏昏暗暗頗有氣氛，唔同層數都有唔同裝潢。情侶泥到又可以一邊食一邊慢慢，係忙碌嘅生活中抖一抖，等我哋嘅靈魂都呼吸一下😚可能因為餐廳有幾層嘅關係，所以都無坐滿客人。當日因為節日無得叫dinner set，所以我哋散叫~檸檬汁煙三文魚冷麵 ($79)酸酸嘅醬汁令人開胃，佢仲有比檸檬再加酸味，不過我哋覺得唔洗加個味就剛剛好🤣特別之處係佢哋將煙三文魚砌成玫瑰花啲形🤣雖然有啲汁，但略厭冷麵有啲乾。紅酒牛尾飯 ($85)個人較喜歡呢個。牛尾唔會過腍，剛剛好而且牛尾好入味，吸曬醬汁嘅味道。而加左啲配菜可以中和番牛尾嘅膩😋西班牙冰咖啡 ($49)有雲呢拿雪糕係面，當雪糕開始融化，甜甜嘅雪糕中和番咖啡嘅苦澀味，所以甜度適中。值得一讚係佢哋用嘅冰塊係由咖啡結冰製成，咁樣就唔會好似一般冰咁怕溝淡左杯咖啡。比利酒冰咖啡 ($65)比利酒味香濃，溝埋咖啡又唔會太苦，味道特別。木愛酒之人必定要試試呢個咖啡🤣同上冰塊係由咖啡結冰整製成。