Video
Read full review
2013-08-24
3413 views
有外籍朋友由美國越洋訪港，XO仔同友人都深知佢不太習慣進食中菜，所以一早就諗定同佢食西餐洗塵。因小肥最近戀上Argentine Tango，喺openrice度搵野食時見到有間餐廳居然以此起名，所以就提議大家一齊去試食 。嗰日收早，小肥由灣仔慢慢行去中環，經砵典乍街上石板街再轉入雲咸街，大約四十五分鐘就到達目的地Tango Argentinian Steakhouse，比訂枱時間早到咗二十分鐘。雖然附近有好多餐廳同酒吧，但Tango Argentinian Steakhouse一啲都唔難搵，因為個水牌夠顯眼，不過佢位置o既最大問題係正門條街太多車塞住 ，如果搭的士或巴士都要預鬆少少時間。一出升降機已經聽到悅耳o既Argentine Tango音樂，枱上o既餐牌及牆上o既擺設亦以Argentine Tango為主題，襯托住柔和o既燈光，氣氛其實幾唔錯。可惜帶位姐姐o既黑面大殺風景，再者，小肥坐咗成十分鐘都冇人理采過我 ，就連水都冇杯 ；眼見餐廳入座率只有約10%，而且客人為清一色外國人，心中開始有種不祥o既預感。有樣野好奇怪，就係餐廳以刀叉作燈罩，喺食客o既頭頂，小肥真係有少少擔
嗰日收早，小肥由灣仔慢慢行去中環，經砵典乍街上石板街再轉入雲咸街，大約四十五分鐘就到達目的地Tango Argentinian Steakhouse，比訂枱時間早到咗二十分鐘。雖然附近有好多餐廳同酒吧，但Tango Argentinian Steakhouse一啲都唔難搵，因為個水牌夠顯眼，不過佢位置o既最大問題係正門條街太多車塞住 ，如果搭的士或巴士都要預鬆少少時間。
一出升降機已經聽到悅耳o既Argentine Tango音樂，枱上o既餐牌及牆上o既擺設亦以Argentine Tango為主題，襯托住柔和o既燈光，氣氛其實幾唔錯。可惜帶位姐姐o既黑面大殺風景，再者，小肥坐咗成十分鐘都冇人理采過我 ，就連水都冇杯 ；眼見餐廳入座率只有約10%，而且客人為清一色外國人，心中開始有種不祥o既預感。有樣野好奇怪，就係餐廳以刀叉作燈罩，喺食客o既頭頂，小肥真係有少少擔心啲刀叉會跌落黎囉 ！
當晚朋友們都因突如其來o既大雨而遲到，小肥就先叫杯雞尾酒黎解吓渴：Guava Cosmo（$68）：杯石榴味雞尾酒味道唔太甜，又唔太酸，問題係冇乜酒味！
飲完杯雞尾酒，終於有服務生主動黎招呼我，睇吓我會唔會叫多杯，結果小肥叫左杯Argentinian sparkling wine：
Trapiche Brut（$62/杯；$300/樽）：阿根廷汽酒，續杯叫份量都算斟到好滿，感覺餐廳都好大方。
朋友到齊後，為咗要比多少少時間佢地研究餐牌，XO仔就走咗去餐廳o既開放式廚房度影相。兩位阿根廷籍大廚真係非常搞鬼，問我係咪要影佢地同索取佢地o既簽名，仲非常友善地擺埋甫士比我影添 ，相比起負責我地張枱o既伙計們，態度真係差得遠！
影完相返埋位，大家決定好叫幾款小食同兩份牛扒黎分，諗住叫野食啦，點知侍應姐姐哥哥們居然叫我地等 ，以餐廳咁唔滿o既情況下仲要等成十多分鐘，似乎有啲不知所謂囉 ！雖然我地叫咗原枝阿根廷酒黎飲，不過成晚o既酒水除左第一杯之外，其餘都係自己斟 ，莫非依啲就係阿根廷式服務？！只會跳舞，不懂斟酒？！至於餐廳o既食物，等小弟續道菜式略作批評：Salmon Ceviche（$148）：粒粒三文魚咬落爽滑，味道又調得好香甜，而且一啲腥味都冇，係小肥全晚唯一滿意o既一味 ！
Morcilla Sausage（$68）：此乃阿根廷名菜之「血腸」。中式豬紅，雞紅，鵝紅就食得多，小肥同友人都係睇menu先知原來阿根廷人都興食血製食品，大家都話要叫黎試下！「血腸」層皮又硬又韌，切極都切唔開；個餡就一pat pat，切開咗層比個餡就爛哂，入口味道頗為苦澀，真係叫人失望 ！
Calamari（$138）：用厚層沙律墊底，煎魷魚舖面，賣相一般。魷魚煎得太熟，肉質略韌，加上調味過咸，個人唔係好識欣賞。
Gaucho Platter（$498）：牛扒煮出黎熟medium rare，肉質口感味道各方面都尚算合格，但並不突出。
Churros con Chocolat（$130）：友人知道小肥鍾意食churros，所以叫咗一份大家分。Churros鬆軟香甜，可惜唔夠乾身，點上朱古力醬後咬落都仲好油膩，$130四條仔也實在太吝嗇啦掛 ！
Don Pedro（$65）：依道有酒o既甜品同普通雪糕同價，而且居然比churros平差不多一半 ，XO仔出名cheap，當然係諗都唔洗諗就叫咗黎試吓啦！其實都算唔話得架啦，有4球雪糕，問題係佢用高杯上，少量o既whiskey好快就張最底層o既雪糕溶解，食客要食完三層雪糕先可以飲得到帶whiskey味o既雪糕水 ！
其他：水（$46/樽）
“Humita” Sweet Corn（$58）
Sweet Potato（$58）
總結，Tango Argentinian Steakhouse環境氣氛原本相當唔錯，可惜服務生態度差劣 （只有大廚二人友善絕對唔足夠！），加上食物質素與價格比例不符 ，平均每位要成$450，絕不抵食！因當晚實在太多不滿，小肥不得不以Tango之諧音寫返編「彈歌」黎贈興！
Post
