Video
Read full review
2020-09-14
2902 views
Zuma, central landmark 位於中環置地廣場嘅Zuma係一間日式Fusion菜，今次係試佢哋嘅Tasting menu今日早到咗少少所以坐低飲咗杯野，係一杯raspberry passionfruit嘅cocktail，味道酸酸甜甜容易入口適合女士。講返個tasting menu，其實真係好多嘢食，開始係一個麵豉湯同埋一個芝麻醬菠菜，我覺得個麵豉湯就好普通，但係個菠菜係幾好食嘅，啖啖都有即磨芝麻嘅香味，絕對唔係街邊買一支芝麻醬，然之後有一個薄切牛肉配黑松露，我就非常之喜歡啦，牛肉嘅油脂香味配上黑松露嘅味道互相點綴，做得不錯。然後上左兩件壽司，咁佢都係即場係你面前燒，視覺效果實屬一流，而且即燒嘅壽司呢有即溶入口嘅感覺，滿足左視覺同味覺嘅享受。再上嘅就係三文魚，有別於一般即切三文魚，佢係有一條薄荷葉加上黑芝麻同埋米脆，口感呢就非常之得意，唯獨是係個醬汁過分搶味，有少少失色。過多醬汁亦都發生係生蠔上面，zuma提供嘅生蠔係非常新鮮亦都非常肥美，但係日式醬汁的而且確係太多，掩蓋左本身食物嘅鮮味。但係不得不讚嘅係本身佢提供嘅魚生係非常之新鮮。食完魚生之後佢就會有熟食部份，先係銀
位於中環置地廣場嘅Zuma係一間日式Fusion菜，今次係試佢哋嘅Tasting menu
今日早到咗少少所以坐低飲咗杯野，係一杯raspberry passionfruit嘅cocktail，味道酸酸甜甜容易入口適合女士。講返個tasting menu，其實真係好多嘢食，開始係一個麵豉湯同埋一個芝麻醬菠菜，我覺得個麵豉湯就好普通，但係個菠菜係幾好食嘅，啖啖都有即磨芝麻嘅香味，絕對唔係街邊買一支芝麻醬，然之後有一個薄切牛肉配黑松露，我就非常之喜歡啦，牛肉嘅油脂香味配上黑松露嘅味道互相點綴，做得不錯。然後上左兩件壽司，咁佢都係即場係你面前燒，視覺效果實屬一流，而且即燒嘅壽司呢有即溶入口嘅感覺，滿足左視覺同味覺嘅享受。
再上嘅就係三文魚，有別於一般即切三文魚，佢係有一條薄荷葉加上黑芝麻同埋米脆，口感呢就非常之得意，唯獨是係個醬汁過分搶味，有少少失色。過多醬汁亦都發生係生蠔上面，zuma提供嘅生蠔係非常新鮮亦都非常肥美，但係日式醬汁的而且確係太多，掩蓋左本身食物嘅鮮味。但係不得不讚嘅係本身佢提供嘅魚生係非常之新鮮。
食完魚生之後佢就會有熟食部份，先係銀雪魚，佢連燒汁煎然後用一塊葉去包裹着魚塊，實際上我唔係好食到有葉嘅味道，但係魚係幾好食嘅，同埋牛肉部份佢都係做得不錯，但係提一提我試咗rare同埋medium rare,建議返點medium rare因為油脂味係燒過之後會更香濃。最後就係甜品部份，佢會有一個dessert platter 真係應有盡有有蛋糕有雪糕有生果有乳酪，食得有啲飽
如果按性價比tasting menu係值得一試
講完嘢食部份就想講一講個環境，餐廳位於landmark 5-6/f，走高檔路線，入到去大部份都係外籍人士，而且地方寬敞，唔會有壓迫感，唯獨是係上菜部份太快，同埋食物本身係無wine pairing令到飲品方面就有少少無所適從，不過簡單點白酒都可以襯托海鮮，亦都可以按自己口味選擇。
人均消費: $1,500, 食唔食自己決定
餐廳：Zuma, central landmark
Post
