十八夢

好嘢✌🏻辛苦捱完咗一個月，又到左同我好朋友一齊食下午茶嘅日子🤤今日就試咗呢一間位於銅鑼灣嘅西餐廳，聽聞佢之前係只有午市同埋晚市，而家仲做埋茶市😮吸引咗唔少人前來光顧🤭因為呢度環境好舒適，而且仲有樂隊表演。我叫呢個下午茶餐都幾抵食，份量都幾多，每件鹹點同埋甜點都幾大嚿🫢甜點唔會話好肥好甜好油膩👅食完唔會起晒痰。我有幾樣嘢食都想特別推介俾大家，都係我自己鍾意嘅：分別就係蘋果批、鵝肝撻、三文魚籽撻、冬甩。佢個蘋果批真係有蘋果粒，鵝肝撻好大嚿鵝肝🤭三文魚籽撻又係勁好味，我覺得得一兩個舊實在唔係好夠喉，如果有得添就好了！