Beirut (Closed)

今日過中環有啲文件要處理，完咗之後搵個朋友tea一tea，位於威靈頓街蘭桂坊附近嘅《Beirut》下午茶時間有好嘢食。蘭桂坊晚上熱鬧非常，呢個酒吧區都會擠滿遊客及上班族，大家來輕鬆下飲兩杯，發光餐牌方便晚上昏暗的燈光下點菜。原本諗住點個seafood pizza，見到呢個印度風味幾特別，Paneer Tikka Pizza(印度風味烤芝士意大利薄餅)~芝士味唔會太濃，餅底好夠脆，味道唔錯，幾正！Grilled Moroccan Lamb Lollipops(摩洛哥烤紐西蘭羊架)~賣相勁吸引，烤羊架嘅香氣撲鼻，已經令人垂涎欲滴，配石榴汁薯蓉，仲有大大件嘅蔬菜- 青瓜、甘筍等，份量都夠兩三個人。1664啤酒~雖然是下午茶時段，朋友都忍唔住叫支啤酒啤一啤，欣賞下街外嘅雨景。