Video
Read full review
2021-02-20
191 views
一間以竹為主題的餐廳，想借「竹」寓意香港人可以靠自己成長，係太子青花亭的姊妹店！餐廳以綠色為主調，有手繪竹林壁畫牆身，好彩嘅話可以坐到綠色霓虹燈下靚靚打卡。⭐️星期一至五Openrice bk枱有85折👓Tea Set $398/2位用．三層架都有啲草圍邊，影相打卡啱晒🤣底層係英式鬆餅兩個，分別係原味同伯爵茶各一，同四粒細法式可麗露，可麗露質感煙韌幾好食，因為出面好少有得食，而scone亦都好鬆脆。不過呢兩款食物係成個tea set最好食嘅兩樣🥲．中間係甜食，招牌山楂cheesecake、龍井百香果布列餅、桂花香梨撻。cheesecake食到少少山楂粒不過整體都係芝士味重啲而唔太濃烈山楂味，但味道麻麻質感好淋仲話係招牌🥲布列餅唔太好食個組合好奇怪又食唔出所謂嘅龍井味🥲香梨撻純粹一個mini tart入邊有啲cream面頭有啲梨粒，冇特別。．鹹點有明太子蟹棒撻、招牌蝦蝦粑粑、黑松露芝士火腿西多士。所謂嘅蟹棒撻食唔出有蟹肉or明太子，淨係覺得似沙律醬撈青瓜粒。蝦蝦粑粑係有兩塊米通餅加冬陰功醬汁，個汁好重香茅等香料，當中有洋蔥蝦配料，味道普通啦。最後係個炸咗嘅多士，純粹似普通芝腿治但加咗少少黑
⭐️星期一至五Openrice bk枱有85折
👓Tea Set $398/2位用
．三層架都有啲草圍邊，影相打卡啱晒🤣底層係英式鬆餅兩個，分別係原味同伯爵茶各一，同四粒細法式可麗露，可麗露質感煙韌幾好食，因為出面好少有得食，而scone亦都好鬆脆。不過呢兩款食物係成個tea set最好食嘅兩樣🥲
．中間係甜食，招牌山楂cheesecake、龍井百香果布列餅、桂花香梨撻。cheesecake食到少少山楂粒不過整體都係芝士味重啲而唔太濃烈山楂味，但味道麻麻質感好淋仲話係招牌🥲布列餅唔太好食個組合好奇怪又食唔出所謂嘅龍井味🥲香梨撻純粹一個mini tart入邊有啲cream面頭有啲梨粒，冇特別。
．鹹點有明太子蟹棒撻、招牌蝦蝦粑粑、黑松露芝士火腿西多士。所謂嘅蟹棒撻食唔出有蟹肉or明太子，淨係覺得似沙律醬撈青瓜粒。蝦蝦粑粑係有兩塊米通餅加冬陰功醬汁，個汁好重香茅等香料，當中有洋蔥蝦配料，味道普通啦。最後係個炸咗嘅多士，純粹似普通芝腿治但加咗少少黑松露醬同拎去炸，真係極少黑松露味。
-特飲兩杯
．紅色的烏龍像是帶著梨味
梨火龍果加烏龍茶，味道真係超級超級甜唔太飲到，梨渣同火龍果啲味勁假勁甜，似落咗糖水好難飲，但佢杯野有漸變顏色賣相靚嘅
．人生總會遇上幾粒山楂
好有趣嘅名，佢其實係山楂荔枝梳打，飲落有明顯荔枝味帶少少酸山楂味，梳打嘅氣反而比較嗆。
⭐️整體食物質素真係好普通，不過價錢算經濟，環境都好舒服又有打卡位，如果想經濟地high個tea呢度都可以考慮吓，不過唔好對食物抱有太大期望
評分：7/10
Post
