意粉屋 (Closed)

3:30放工，約埋阿媽去旺角tea tea。揀咗意粉屋，因為唔洗等位，又做緊買二送一優惠。兩個人叫三個餐，公司三文治、火雞煙三文魚沙律同煎雞扒菜湯天使麵。公司三文治，穩陣之選，味道正常;料好豐富，有碎蛋、芝士、火腿、雞胸肉、蕃茄同生菜。麵包烘過，脆脆地。煎雞扒菜湯天使麵熱辣辣，雞扒同天使麵分開上。菜湯天使麵有雜菜，湯底夠味，蕃茄味酸酸地。天使麵好滑又唔會過淋…雞扒反而較失色，較油又較鞋。火雞煙三文魚沙律最出色，最開胃…有火雞、蘋果、菠蘿、生菜同螺絲粉;面頭有煙三文魚。螺絲粉好硬; 蘋果好爽甜，酸酸甜甜好開胃…意粉屋真係一個食下午茶嘅好地方！