Video
Read full review
2023-02-27
835 views
今晚嚟呢度食飯，絕對係我今年內做得最錯嘅一個決定！話說有國內朋友嚟香港玩幾日，聽日就走，咪諗住招呼吓，俾個美好嘅晚上同埋回憶佢囉，盡吓地主之誼吖嘛！咁一心諗住帶佢哋食吓好西啦，話曬都係咩世界最受歡迎餐廳之一乜乜乜，心諗一定唔會失禮，實無死啦！點知…真係衰過帶人食Buffet，食完餐成皮嘢嘅飯，我除咗覺得失禮死人之餘真係想搵個窿捐入去，食到成肚氣！名不符實，2個字…垃圾😵💫一星期前打去book咗5人枱19:30，問佢可唔可以比張窗口位嘅枱我，職員話隨機發放，冇得預留，因為餐廳18:30就開，咁我問如果我book早啲得唔得？18:30餐廳一開門我已經到咗，或者我再早啲嚟等係咪就得？佢又係答我未必有窗口位，因為佢哋無得預訂窗邊枱，咁我唯有算數啦，公司規矩，佢都係打份工啫，無謂難為人哋啦。結果今日我哋19:20到咗，見到有窗口位，問佢可唔可以俾我哋坐果度，佢話有人book咗，我吓？咗出嚟，又話無得book嘅？佢話有啊，不過3個星期前已經要book㗎喇。(之前又唔講，又話無得book)，ok唔緊要，都算數，好少事，唔好破壞心情，我哋就落order嗌嘢食啦。好喇，我哋最後叫咗5個set dinn
一星期前打去book咗5人枱19:30，問佢可唔可以比張窗口位嘅枱我，職員話隨機發放，冇得預留，因為餐廳18:30就開，咁我問如果我book早啲得唔得？18:30餐廳一開門我已經到咗，或者我再早啲嚟等係咪就得？佢又係答我未必有窗口位，因為佢哋無得預訂窗邊枱，咁我唯有算數啦，公司規矩，佢都係打份工啫，無謂難為人哋啦。
結果今日我哋19:20到咗，見到有窗口位，問佢可唔可以俾我哋坐果度，佢話有人book咗，我吓？咗出嚟，又話無得book嘅？佢話有啊，不過3個星期前已經要book㗎喇。(之前又唔講，又話無得book)，ok唔緊要，都算數，好少事，唔好破壞心情，我哋就落order嗌嘢食啦。
好喇，我哋最後叫咗5個set dinner, 又add on加埋錢食和牛，見佢收得呢個價錢，諗住啲食物應該都會幾正啦！我哋真係非常期待之後嘅食物㗎！第一道菜，頭盤鱈魚沙律！雖然係送嘅，但係你會點估到，佢已經係全晚最正常嘅一道菜🙂
刺身-為咗證明新鮮啩…食落口仲有魚鱗喺度嘅😑
蟹肉-為咗證明真材實料啩… 入口仲有蟹殼嘅😑
軟殼蟹天婦羅-係可以做到完全冇蟹味嘅😑
雲吞同埋意粉-麵團質感又乾又硬又厚，個雲吞皮厚度可以去到5mm，意粉係可以咬唔斷同咬唔爛嘅😑
甜品-都費事講，算9數啦😑
同埋，不得不提嘅係侍應嘅服務態度，朋友落order嗌罐可樂，要嗌足3次先嚟到。就連叫佢斟杯水，都係要嗌2次。仲有一樣嘢，真係不知所謂，隔籬枱有兩男兩女外籍人士喺度食飯，其中有位女士應該飲到high high哋，竟然無啦啦喺度好大聲咁尖叫咗幾次，我背住佢坐，真係俾佢嚇親！真係好大聲果隻！全場人都望住佢哋。做乜嘢啫？表演啊？唔講以為佢俾人非禮，點知原來係玩緊。但係啲職員完全無友善咁過去制止，或者作出溫馨提示，大佬啊，我嚟食飯㗎咋！知唔知真係好騷擾到其他食客啊？話晒都高級餐廳吖！🤬
本身唔想打呢篇千字文，但真係忍唔到！環境已經普通到不能再普通，食物又垃圾，咁嘅價錢，咁嘅服務，真係唔會再嚟！
奉勸各位男士，如果想同條女分手，就帶佢嚟呢度啦，一定事半功倍🫤
如果招呼朋友，除非想絕交，如果唔係真係唔好帶佢哋嚟🥲
209 views
1 likes
0 comments
155 views
0 likes
0 comments
Post
