Next Station Dessert (Closed)

剛剛食完雞煲話飽，轉頭一出門口朋友就話去食甜品(女人係天生甜品迷)，剛好係黑布街有甜品鋪唔洗周圍搵。鋪頭外場裝潢簡單比到人一種好舒服既感覺，外場滿人我同朋友只好入內場(我鍾意外場多D )。本Next Station Dessert餐牌好靚，睇食物之前忍唔住影返張相先 栗香紫薯山 ($65) : 長條形栗子容放係雪糕同紫薯上面外型相當特別(好似長鰻魚壽司)，栗子容細細啖都好重栗子味 紫薯栗子雪糕三者一齊食味道一流。Test Tube ($65) : 三支Test Tube分別係青瓜山葵沙冰(左)、伯爵奶凍配特濃咖啡泡沫(中)、Mojite(白朗姆酒啫喱，青檸慕斯，薄荷啫喱)(右)。。。。三支較喜歡Mojite 不太甜有D啫喱有咬口，係食果時要小心，朋友一羹插到落底結果上面薄荷啫喱跌曬出黎 佛手柑吉士配草莓分子啫喱($58) : 草莓分子啫喱味道酸酸地外形好似午餐肉 。Hot Chocolate (54% Belgium Chocolate) ($32) : 有朱古力香味夠幼滑，不過54%未夠苦。