MAZ Thai & BBQ (Closed)

菠蘿炒飯，88蚊，叫得冇錯，個飯炒到金黃色，加左蛋花，菠蘿，青豆，紅蘿白粒，聞到好香，食甜甜甜香香，側邊啲花生咬落好脆口，配埋肉鬆食，感覺不錯👍👍青口好正，個湯汁辣辣地，甜甜地，又酸酸地,真係百感交集,再加埋青口肉質非常之嫩滑又無沙，真係人生之中最好食青口😋😊凍檸茶，平時去茶餐廳經常飲啦，冇乜特別，但今次叫咗個青檸紅茶，非常之好飲，青檸配搭紅茶，比一般嘅檸檬更加正，非常之特別，結果我飲完一杯再一杯🍹🍹🍹串燒有三種,有豬肉啦,雞肉同埋牛肉🐷🐮🐔，佢個沙嗲醬非常之香甜，豬肉帶焦香，食落好香口，真係引人垂涎欲滴😋😋炸野用吸油紙墊住，好細心，隔左啲油，食得都健康d