Morokok (家樂坊)

Open Now

Now Closed

環境chill chill 地嘅泰國餐廳，食物fusion得嚟味道又正宗，就算疫情前嚟旺場到要限時同埋枱又細，為咗同朋友chill下都又諗起Moroko。平日7點到，一坐低提示用餐時間90分鐘，又係要坐二人細枱，心諗又咁爆？最後食到last order 全場只坐咗一半，雖然冇催我哋交枱，但係因為枱細，每上一道菜都會拿拿臨清咗佢，食得有啲急，其實係咪可以安排坐四人枱濶落d呢😓柚子大蝦沙律，叫咗少辣，酸酸辣辣清新開胃，不過蝦就冇味帶子蟹肉酥盒，逢親見到餐牌有蟹肉必定兩眼發光，帶子下面塞滿蟹肉，口感豐富有鮮味，大滿足！泰式拼盤，有蝦餅、雞翼、豬頸肉⋯⋯樣樣都又凍又亁，十級後悔因為懶而叫佢😓雙色芒果糯米飯，芒果唔酸唔甜唔香，又唔算多汁，可能唔當造？好彩唔酸，所以係食到嘅。糯米飯軟糯，椰汁香甜，藍色嘅係蝶豆花，總算為芒果彌補返d分。