泰拍耶

Open Now

Now Closed

上次同媽咪去吉之島行街，發現有間泰國菜館-泰拍耶。今日帶老公去試下。餐廳環境坐得都幾舒服，老公表示滿意。見餐廳有二人套餐，不過難得有一日可以掉低兩個小朋友去撐枱腳，我地就冇跟套餐叫。菠蘿炒飯一向係我最愛，香甜菠蘿再配上脆口腰果同肉鬆，非常好味。見炒飯中仲加入提子粒，令到甜甜感覺再提升，配合菠蘿原先微酸口感。招牌黃咖喱麵包軟殼蟹 ，老公話我最愛軟殼蟹，所以叫左呢個俾我試吓。軟殼蟹熱辣辣，麵包入面係滿滿黃咖哩汁，烘到脆脆既麵包沾上咖哩汁，好惹味。蒜蓉炒椰菜苗，第一次食椰菜苗，原來口感係甘爽脆。蒜蓉炒清清地，不會很重味精，呢碟竟然係我哋最快食晒個樣餸。飲品同甜品，我地叫左龍眼冰，蝶豆花椰汁冰同芒果糯米飯。食完晒真係大滿足，捧住個肚返屋企。