So Good (Under Renovation)

假期前夕要對自己好d，放工之後同朋友去佢屋企附近食泰國野。餐廳環境清靜舒適，望到成片藍天。我地喺玻璃屋入面食野，真係好放鬆。我地點咗二人餐，包括泰式魚餅、椰汁雞湯、牛肉黃咖哩、菠蘿海鮮炒飯同埋椰汁西米糕。食物都好快就上，首先飲雞湯，雞湯酸酸地好開胃，啱哂餐前飲。前盤係泰式魚餅，魚餅頗厚身，混入唔同既香料，咬落啖啖肉，作為前菜好合適。自己好鍾意牛肉黃咖哩，因為黃咖哩口味溫和，食落甜中帶有椰香，好鍾意用佢嚟送飯。朋友就比較喜愛菠蘿海鮮炒飯，海鮮款式唔少，有蝦、青口、魷魚等，非常豐富！而且菠蘿香甜，米飯粒粒分明，我地最後食清光😆晚飯以椰汁西米糕作結，每次見到個斑蘭盒，都覺得充滿泰式風情。面層既椰汁糕又香又滑，下層係西米，中間加咗一片芋頭，食落口感更豐富。