Honbo (Closed)

呢排因為疫情關係，所以晚市都禁左堂食好段時間，基本上都會留係屋企食飯。今晚難得同男朋友出去，決定買啲外賣返去食，呢間之前一直都想試，因為男朋友好中意食burger，一search發現中環開左新店，就去試試😋男朋友叫左個Honbo 1.5，有3 x 2oz既牛肉漢堡扒，佢個漢堡扒係由牛肉碎整出黎，所以食落好鬆軟，仲好重牛味，唔會煎得過熟，配埋double cheese溶哂落件漢堡扒，一咬落口超juicy，仲有啲酸青瓜同洋蔥，同埋佢地自己調製既醬汁，男朋友表示好想下次再encore🤩我自己就叫左The Gold Standard，因為我第一眼睇到double 4oz既牛肉漢堡扒同埋有煙肉，塊牛肉漢堡扒超厚身，咬落勁juicy，配埋煎到少少脆邊既煙肉，好邪惡既double cheese，仲有生菜同醬汁，個口感一流👍🏻我地另外叫左兩個小食，cheese fries同埋sweet potato fries，不過因為買完外賣，我地拎到返屋企都要少少時間，所以返到去食個時凍左少少。