錦麗 (世貿中心) (Closed)

一直都想食呢間越南粉，但之前淨係知道觀塘有店，並唔知其他地方有店。有一日放工整完指甲，諗住去世貿間muji搵啲嘢，一上完第一條電梯，就見到個牌寫住錦麗响3樓，嘩嘩嘩！咁梗係嘢即刻去3樓睇下啦。去到即刻就有位，開心死我呀！每位都有一杯呢個配菜，枱上有貼咗張紙教大家咩時候落咩配料，但我只會落芽菜。綜合粉，個牛丸 超級好味，生牛肉都好good好嫩，熟牛肉就感覺有啲膩。生牛肉粉，呢碗先係我嘅，一嚟到我就即刻飲啖湯，正到不得了。仲有碟牛油果米紙卷，唔記得影相，都好好味架。點都要飲杯嘢嘅，呢個青檸梳打飲完爽晒。