Video
Read full review
2018-01-29
2444 views
法國同事嚟香港培訓，問我週末可唔可以帶佢去見識一吓香港特色「蒲點」- 蘭桂坊，作為一個正宗港女，其實我嘅「蒲點」以油尖旺為主，見佢咁靚仔咋，一於一齊去「蒲」吓啦！佢俾左某個旅遊app我睇，已經揀左要去米之蓮推介嘅泰菜店，有旅行家話: “The best Thai food in LKF”喎，飯後就去另一酒吧飲野，攪到好似係佢帶我去蒲咁~入夜後嘅蘭桂坊越夜越熱鬧，好多外籍人士，就連中國遊客都好多。七點半去酒店接佢，就帶佢嚟呢度食晚飯，因為預先訂左位，地下接待個店員就安排我地到三樓。餐廳位處二樓同三樓，到三樓後另一店員又帶我地到左邊用膳，都幾多客人。裝修幾有情懷，燈光有啲昏暗，對於高大威猛吧法國同事個樓底就顯得有點兒太低~餐廳五週年慶典，有五個優惠。睇睇其他餐牌，價錢同普通泰菜店差唔多，估唔到係咁平喎。最後見到個餐牌「四道菜分享晩餐」，話四道菜，但係總共有十樣野，兩位或以上就叫得，每位$288。柚子沙律 - 柚子肉多又多汁，加埋炸椰子絲同炸蒜片，惹味開胃。炸蝦餅 - 好熱，啱啱炸起，夠彈牙。可以加埋泰式醬汁一齊食。香蘭葉包雞 - 雞肉本身醃得好入味，仲吸收晒班蘭葉香味，雞肉係超級嫩滑厚肉，
入夜後嘅蘭桂坊越夜越熱鬧，好多外籍人士，就連中國遊客都好多。七點半去酒店接佢，就帶佢嚟呢度食晚飯，因為預先訂左位，地下接待個店員就安排我地到三樓。
餐廳位處二樓同三樓，到三樓後另一店員又帶我地到左邊用膳，都幾多客人。裝修幾有情懷，燈光有啲昏暗，對於高大威猛吧法國同事個樓底就顯得有點兒太低~
餐廳五週年慶典，有五個優惠。睇睇其他餐牌，價錢同普通泰菜店差唔多，估唔到係咁平喎。最後見到個餐牌「四道菜分享晩餐」，話四道菜，但係總共有十樣野，兩位或以上就叫得，每位$288。
柚子沙律 - 柚子肉多又多汁，加埋炸椰子絲同炸蒜片，惹味開胃。
炸蝦餅 - 好熱，啱啱炸起，夠彈牙。
可以加埋泰式醬汁一齊食。
香蘭葉包雞 - 雞肉本身醃得好入味，仲吸收晒班蘭葉香味，雞肉係超級嫩滑厚肉，出色！
椰子雞湯 - 用左香料、椰漿、菇、大量雞肉嚟煮，雞湯味道帶點酸辣味，仲要幾辣吓，我飲完個湯要飲返大量清水。
招牌炒大蝦 - 蝦中間係已經剝左殼，但蝦肉仍然咁巨型！蝦肉好彈牙，好好食呀。
椰汁青咖喱雞 - 青咖喱香甜味濃，雞肉好多。但雞肉同個雞湯好似重覆左咁，建議呢味餸轉做其他肉類會更好。
燒香辣牛柳粒
牛粒腍滑，但有部份係有根位。香料味非常濃，完全遮蓋晒牛肉味道！
蒜香椒絲炒椰菜苗
炒椰菜苗 - 炒得爽脆，有鑊氣。
泰國絲苗白飯 - 白飯裝得滿滿，一個女仔未必食得晒！
甜品南瓜布甸 - 好感動呢度有得食。幾年前食過一次之後就搵唔返，因為做左只可以擺到一兩日，間間餐廳都唔肯做呢個甜品。碟底係香滑椰子醬，一片南瓜布甸，味道有啲似燉蛋，外圍係清甜南瓜肉，好好食好好食！
每人$288可以喺中環嘆到米之蓮泰菜，仲有十樣野，款式夠晒多，每碟份量都唔少，係抵食！慢慢食食到十點，我個廳啲客人走晒，好似包廳咁，又有靚仔在前，浪漫！餐後仲一齊蒲「吧」去！
Post
