Video
Read full review
2018-09-26
1094 views
一直都好想食呢間牛扒～但係成日都聽到話無得book枱要walkin，位置又不太就腳，所以就成日都打消念頭，始終收工之後仲要等一輪位先可以食到對我呢個無咩耐性嘅人嚟講真係有啲難度～不過適逢慶祝日子，等一等無咩所謂啦～最多收工即刻衝過去希望可以有位 今次去到差唔多7點，一開門已經見到有啲人係度等位，心感不妙....原來佢哋全部都未齊人所以無得入枱..嘿嘿..咁即係我有機會啦～等咗大概五分鐘侍應就話我哋有枱喇～仲要唔係bar枱～太好了！呢間牛扒係只得一個menu，係檯面張墊枱紙～$318一位牛扒餐，薯條可以任加～係香港好少餐廳係淨係做一個餐～不過呢間落戶係尖沙咀又夠膽淨係做一個餐，一定係對自己菜色好有信心先會咁！侍應首先端上一客麵包～可以添加的～熱辣辣帶點煙韌的小法包～加好大舊牛油～牛油放喺小法包上面即刻溶了～非常好食～不過建議唔好食咁多，因為會好飽哈哈然後就來一客沙律佢個沙律好特別，係又沙律菜同埋合桃組成～好少沙律會用合桃呢～ 全個沙律由幾種有機沙律菜組成，所有菜都好新鮮爽口，沙律汁係醋汁，加落去非常開胃～而合桃又同時令到個沙律有返少少口感～食完沙律就到主角～美國安格斯肉眼扒~每份都有10
不過適逢慶祝日子，等一等無咩所謂啦～最多收工即刻衝過去希望可以有位 今次去到差唔多7點，一開門已經見到有啲人係度等位，心感不妙....原來佢哋全部都未齊人所以無得入枱..嘿嘿..咁即係我有機會啦～等咗大概五分鐘侍應就話我哋有枱喇～仲要唔係bar枱～太好了！
呢間牛扒係只得一個menu，係檯面張墊枱紙～$318一位牛扒餐，薯條可以任加～係香港好少餐廳係淨係做一個餐～不過呢間落戶係尖沙咀又夠膽淨係做一個餐，一定係對自己菜色好有信心先會咁！
麵包
60 views
0 likes
0 comments
侍應首先端上一客麵包～可以添加的～熱辣辣帶點煙韌的小法包～加好大舊牛油～牛油放喺小法包上面即刻溶了～非常好食～不過建議唔好食咁多，因為會好飽哈哈
然後就來一客沙律
沙律
56 views
0 likes
0 comments
食完沙律就到主角～美國安格斯肉眼扒~每份都有10oz肉眼扒～～我哋都點咗Medium Rare~侍應會先係枱面放一個架，下面點一個小蠟燭～然後上牛扒～
牛扒
118 views
0 likes
0 comments
平時香港好多餐廳都係煎牛扒煎得太熟～medium rare 變成medium well~但係呢度絕對無呢個問題！切開牛扒仲見到啲血水架～當然係呢度唔駛自己切牛扒～侍應會好窩心咁幫你上枱之前切好然後再夾落你隻碟～再添加薯條俾你～服務真係好好～
牛扒薯條
$318
79 views
0 likes
0 comments
個牛扒煎得非常香，睇佢表面有點黑色應該係經過炭燒～佢本身跟番茄汁同埋蛋黄芥辣醬～個牛本身牛味好濃又帶有少少炭燒味，牛嘅脂肪分佈又好平均，唔會話有啲太肥太瘦，每一口入口都好juicy，唔駛點醬汁都非常好味～ 每件牛扒都好似藝術品一樣，外面焦脆裡面鬆軟多汁～真係令人覺得食一塊係唔夠!
而且係呢度食唔使驚個牛扒會好快凍咗，因為碟下面嘅小蠟燭座係可以幫牛扒保持一定嘅溫度～所以可以慢慢傾計享受牛扒～法式生活一樣～！
另外佢仲有得無限添加薯條～唔好睇個薯條係好似平時麥當勞嗰啲咁～一食落去就知道有好大分別～佢條條都好脆又唔太油膩～每條都炸到金黃色非常香口，真係會食完一轉又想再加多轉食落去～而且呢度啲侍應好nice好好人～你要加任何嘢佢哋都會非常樂意幫你～
女人總係有另一個胃放甜品嘅～我一入餐廳早已經比佢個甜品車深深吸引住～當然要留返一個位置去試一下佢個甜品啦
甜品車
138 views
0 likes
0 comments
當你食到差唔多時，侍應會推甜品車嚟問你有無興趣要甜品～佢哋會逐個甜品拎到你面前比你選擇～好窩心～最後我揀咗拿破侖蛋糕試一試～
拿破崙
$108
73 views
0 likes
0 comments
你揀好之後佢哋會加少少裝飾先放上枱比客人享用～個拿破崙好平實，無任何特別嘅材料有三層嘅酥皮中間夾著來有～好簡單嘅配搭～佢個酥皮非常脆～上面淋咗啲霜糖，除咗用來做點綴之外都帶出了一點甜味～點埋隔離嘅奶油嚟食，又唔會搶咗拿破崙個味～不過價錢有點小貴啦$108一件，我覺得呢個價錢可以食到更加特別同好食嘅蛋糕～
食完之後非常滿足呀～$318一位嘅價錢食到呢個質素嘅牛扒～真係好想再嚟食多一次牛扒呢！
Post
