Video
Read full review
2022-09-20
15 views
The engine收工後約咗朋友喺公司附近買晚餐食，今次就揀咗幾新穎嘅Keto快餐店，食餐Low Carb健康快餐！🌟天貝薯條第一次食天貝，其實佢係黃豆發酵食物。幾脆口+幾有豆味同堅果味。整體感覺好Smoky，似係豬肉乾但少咗肉味咁。醬汁係稀少少既香草蕃茄醬，唔係普通茄汁。🌟輕三文魚煙肉粟米牛油果沙律沙律既份量同材料豐富，對得住價錢，煙三文魚比平時食到既相對無咁鹹，👧🏻就覺得幾好，對於朋友嚟講反而少咗份滿足感，而且份量極多。Menu 寫牛油果沙律，本身以為會係成隻切開上，但原來係整成牛油果醬🥑，雖然少咗啲咬口，但牛油果醬有加咗Greek Yoghurt，味道幾唔錯。沙律入面仲有唔少車厘茄、煙肉碎、天貝，入面無咩增肥既沙律醬，呢個沙律算係幾健康既選擇！🌟慢煮美國自然豬柳漢堡麵包包皮同天貝代替，而唔係用上傳統有麵粉嘅麵包，口感獨特。漢堡都有好多蔬菜喺入面，有紅蘿蔔絲、椰菜，豐富而且好飽肚。至於豬柳就岩曬唔鍾意食肥膏嘅朋友仔，口感絕對冇豬腩肉咁有油脂/柔軟。一個漢堡真係超飽肚，幸好店家事先已將漢堡分為兩半，可以同朋友Share❣️。🌟法式油春封雞配砵酒洋蔥椰菜花扒砵酒洋蔥汁既燒雞，重洋蔥味，
收工後約咗朋友喺公司附近買晚餐食，今次就揀咗幾新穎嘅Keto快餐店，食餐Low Carb健康快餐！
🌟天貝薯條
第一次食天貝，其實佢係黃豆發酵食物。幾脆口+幾有豆味同堅果味。整體感覺好Smoky，似係豬肉乾但少咗肉味咁。醬汁係稀少少既香草蕃茄醬，唔係普通茄汁。
🌟輕三文魚煙肉粟米牛油果沙律
沙律既份量同材料豐富，對得住價錢，煙三文魚比平時食到既相對無咁鹹，👧🏻就覺得幾好，對於朋友嚟講反而少咗份滿足感，而且份量極多。Menu 寫牛油果沙律，本身以為會係成隻切開上，但原來係整成牛油果醬🥑，雖然少咗啲咬口，但牛油果醬有加咗Greek Yoghurt，味道幾唔錯。沙律入面仲有唔少車厘茄、煙肉碎、天貝，入面無咩增肥既沙律醬，呢個沙律算係幾健康既選擇！
🌟慢煮美國自然豬柳漢堡
麵包包皮同天貝代替，而唔係用上傳統有麵粉嘅麵包，口感獨特。漢堡都有好多蔬菜喺入面，有紅蘿蔔絲、椰菜，豐富而且好飽肚。至於豬柳就岩曬唔鍾意食肥膏嘅朋友仔，口感絕對冇豬腩肉咁有油脂/柔軟。一個漢堡真係超飽肚，幸好店家事先已將漢堡分為兩半，可以同朋友Share❣️。
🌟法式油春封雞配砵酒洋蔥椰菜花扒
砵酒洋蔥汁既燒雞，重洋蔥味，雞肉本身肉質唔會鞋，雞脾都算滑，質感算係岩岩好。燒雞都有唔少蔬菜伴碟，除咗燒瓜類仲有椰菜花扒，可惜椰菜花燶咗少少🤏，要自己咬開燶邊。
🌟瀧露柚子薑味有汽雞尾酒
比起柚子同薑，聞落去同飲落去第一感覺似係西柚汁，薑味慢慢滲出，收尾有返少少酒精感。
Post
