Video
Read full review
2017-01-20
468 views
龍蝦不時聽人講呢間The Joomak，佢係間朝鮮酒幕，即韓式居酒屋，賣嘅都係比較新派嘅韓國菜。裝修係近年流行嘅工業風，主要係木同水泥為主。農曆新年將至，店入面亦不乏相關嘅佈置。用燈泡砌成店名做牆上裝飾，都幾吸引。其中一組吊燈仲係由多個大燈泡組合而成，既富玩味又有型格。最入係一列大玻璃窗，璀璨嘅維港夜景盡入眼簾，聽講節慶日子時仲可以欣賞到煙花匯演。呢晚嚟係為咗試試餐廳近月推出嘅韓式火鍋。無幾耐侍應就將啲食物拎到嚟，氣體爐同各式火鍋料等等堆滿咗兩張雙人檯。韓蔘法國春雞湯底，我曾經晌其他地方食過人蔘雞湯，但從來無諗過可以用嚟當做火鍋湯底。人蔘有補氣血作用，趁天氣轉冷時食就啱啱好。湯底用雞隻、人蔘、紅棗、杞子等等熬煮，先飲咗一啖，湯頭有微微嘅人蔘香，紅棗同杞子等等令佢更鮮甜，同埋無苦澀味，頗為討好。法國春雞嘅雞殻入面釀咗紅棗、栗子同糯米等等，雞皮薄而無肥膩感，同埋吸收咗雞湯嘅味道。聽講餐廳晌韓國引入咗頂級1++韓牛，原本我哋想叫韓牛拼盤，可惜當日食客太多所以賣晒，咁就試龍蝦豐盛拼盤啦！雖然餐牌寫呢個拼盤只係俾兩個人享用，但係份量都幾豐富。拼盤入面嘅龍蝦對鉗幾大隻，蝦膏都算甘甜。大蜆食起嚟鹹鮮
不時聽人講呢間The Joomak，佢係間朝鮮酒幕，即韓式居酒屋，賣嘅都係比較新派嘅韓國菜。
裝修係近年流行嘅工業風，主要係木同水泥為主。
農曆新年將至，店入面亦不乏相關嘅佈置。
用燈泡砌成店名做牆上裝飾，都幾吸引。
其中一組吊燈仲係由多個大燈泡組合而成，既富玩味又有型格。
最入係一列大玻璃窗，璀璨嘅維港夜景盡入眼簾，聽講節慶日子時仲可以欣賞到煙花匯演。
呢晚嚟係為咗試試餐廳近月推出嘅韓式火鍋。
韓式火鍋
13 views
0 likes
0 comments
韓蔘法國春雞湯底
12 views
0 likes
0 comments
韓蔘法國春雞湯底
11 views
0 likes
0 comments
韓蔘法國春雞湯底
11 views
0 likes
0 comments
龍蝦豐盛拼盤
6 views
0 likes
0 comments
雖然餐牌寫呢個拼盤只係俾兩個人享用，但係份量都幾豐富。
拼盤入面嘅龍蝦對鉗幾大隻，蝦膏都算甘甜。
大蜆食起嚟鹹鮮，亦無任何沙粒。
特級美國肥牛、美國黑豚豬腩片，兩者都係薄切，肥牛鬆化、豬腩片有少許羶香。
泡菜墨魚滑、泡菜鯪魚滑，打成起膠嘅魚滑入面加咗泡菜，講真晌外觀上睇分別唔大，不過煮好之後細心咀嚼嘅話就會發現墨魚滑比鯪魚滑較爽彈，而鯪魚滑就比起佢較有魚香。
五蔬豬肉腸，調味唔濃又有咬口。然後係兩款近年流行兼好高營養價值嘅蔬菜，冰菜表面佈滿含有液體嘅大型泡狀細胞，令佢睇上嚟好似水珠咁，好得意，食落脆嫩可口。鋪晌龍蝦底下嘅羽衣甘藍屬十字花科蔬菜，同西蘭花、椰菜等等屬同類，葉嘅邊緣呈波浪形、葉柄細長，我覺得口感有啲似西洋菜。
栗米、翠玉瓜、紫薯、南瓜，全部都係甜味為主嘅蔬果。
低脂豆結，即係平時食嘅腐皮，下面仲有大量切條大白菜，又再增加膳食纖維嘅攝取量喇！
我哋另外試咗啲散叫嘅配料同飲品，魷魚仔肉質鮮味，表現唔會比龍蝦遜色。
土耳其蘋果茶用蘋果乾同蘋果肉沖泡，飲落係淡淡酸味。
韓薑菠蘿雪沙嘅沙冰打得幼細，菠蘿味比預期輕，薑味較為突出。食物質素唔錯，飲品味道各有所好。拼盤入面有多款蔬菜，相對起嚟就健康一啲。湯底方面滋補之餘，我食完都無口乾或喉嚨痛等等熱氣症狀，感覺唔錯。
Post
