THE MATCHA TOKYO (勿地臣街)

Open Now

Now Closed

餐廳：THE MATCHA TOKYO地點：銅鑼灣時代廣場對面菜式：日式飲品，甜品餐牌：抹茶，抹茶鮮奶，焙茶鮮奶，蛋白飲，奶昔，咖啡，特飲，甜品，牛角包，選擇唔算多。之前見到呢間Matcha Tokyo開業都想試試，今日終於有機會啦。店入面得半張枱位，無凳坐。人多都好逼。比左錢後等左食物飲品好耐先出，效率好低。牛角包窩夫配抹茶軟雪糕及北海道牛乳雪糕 $68牛角包窩夫配抹茶軟雪糕及北海道牛乳雪糕係北海道牛乳雪糕球上面有抹茶軟雪糕，再加上一個牛角包窩夫，面頭灑上抹茶粉。牛角包係好酥脆同甜甜地，正！抹茶軟雪糕同牛乳雪糕都好滑溜，甜度適中，質素好高，抹茶味唔濃不過我覺得夠。可惜下底原來有好多粟米片，份量多到唔夠雪糕餸粟米片，製造假象令人以為雪糕份量好多。唔抵食。抹茶香蕉雜莓奶昔 $58抹茶香蕉雜莓奶昔份量比想像中少，基本上係粉紅色，不過香蕉味比士多啤梨味濃，太稀，好快飲嗮，帶少少抹茶味。性價比極低而且太稀。唔夠凍。之後如果再黎只可以叫淨雪糕。