Video
Read full review
2021-01-21
1382 views
我同朋友預咗呢個星期會出The ONE買嘢，所以順便上網搵埋有乜好食，我哋喺OpenRice見到「Fifth Element Shokudo」訂枱有六折，重要冇限午餐時間唔得，於是即刻撳掣😉。入座坐低，店員好快就確定我哋資料，仲介紹呢度係用QR code落單📱。不過同時亦送上實體餐牌，等我哋易睇啲。餐廳主打日式西餐，即係有意粉同薄餅等。除咗扒類嘅食品外，其他主菜有九成都係$100樓下，唔計我哋有六折，喺旺區大商場呢個價錢本身都已經好抵👍。餐牌上嘅食物種類有飯/扒類、自家製浜松味噌麵團薄餅、手工意粉、創作雞翼、前菜輕食、鹹味窩夫、主菜以及甜品。大部份菜式我都想食，所以真係好難揀🙈。最後我哋要咗薄餅、意粉同牛扒沙律，一次過滿足三個願望。黑毛和牛沙律($118)，其實我都好有興趣食牛扒飯或者定食🍚，但如果要我喺佢同意粉之中揀，我就唔會食飯，但好在餐廳有做牛扒沙律。🥩牛扒賣相唔錯，雖然得六件，但每件都係厚切，肉質亦都唔靭。牛扒肉身呈粉紅色，但感覺唔係好生，可能係用上慢煮嘅煮法，不過我唔肯定。平日我會嫌牛柳粒太細，🐮但呢度嘅牛扒Size就足以令我滿足。牛扒上面落咗蒜片，連埋一齊食香味更濃。至於沙
我同朋友預咗呢個星期會出The ONE買嘢，所以順便上網搵埋有乜好食，我哋喺OpenRice見到「Fifth Element Shokudo」訂枱有六折，重要冇限午餐時間唔得，於是即刻撳掣😉。
入座坐低，店員好快就確定我哋資料，仲介紹呢度係用QR code落單📱。不過同時亦送上實體餐牌，等我哋易睇啲。
餐廳主打日式西餐，即係有意粉同薄餅等。除咗扒類嘅食品外，其他主菜有九成都係$100樓下，唔計我哋有六折，喺旺區大商場呢個價錢本身都已經好抵👍。
餐牌上嘅食物種類有飯/扒類、自家製浜松味噌麵團薄餅、手工意粉、創作雞翼、前菜輕食、鹹味窩夫、主菜以及甜品。大部份菜式我都想食，所以真係好難揀🙈。最後我哋要咗薄餅、意粉同牛扒沙律，一次過滿足三個願望。
黑毛和牛沙律
$118
18 views
0 likes
0 comments
平日我會嫌牛柳粒太細，🐮但呢度嘅牛扒Size就足以令我滿足。牛扒上面落咗蒜片，連埋一齊食香味更濃。至於沙律部份🥗，我有少少估唔到，因為全部都係火箭菜，本人一條起兩條止，好彩朋友啱食。我認為火箭菜係幾蝦人食的沙律菜🚀。
信州味噌鮮菇手工意粉
$88
17 views
1 likes
0 comments
意粉嘅醬汁雖然係用上味噌，但味道唔好似麵豉湯嘩，而且我相信都落咗啲忌廉，所以好Creamy，但又唔算膩。🍄雜菇當然唔少得，其他配料就仲有紅黃燈椒以及火箭菜...，哈哈。個人感覺呢度嘅意粉，不比打響旗號賣幾百蚊碟嘅遜色🤤。
和風煙肉薄餅
$88
10 views
0 likes
0 comments
和風煙肉就係指有煙肉🥓、紫菜絲、菇同芝士🧀，材料簡單，但夾埋係幾好食。另一邊廂，我更欣賞塊薄餅皮，雖然唔脆，但成個餅皮真係好軟熟，就連個邊都可以輕鬆食埋。Pizza兩個人食都夠！
環境方面，餐廳室內面積唔大🪑，而且亦算係半開放式，裝修簡約，偏日系風。但原來佢仲有室外座位添，咁唔怕冇位啦。
總括嚟講，本身諗住平平哋食個晏，點知出到嚟相當有驚喜。我哋食咗三樣主食，三款各有各好味😋，而且埋單人均消費(折扣後)更只係$100左右，絕對稱得上為物超所值👍。
Post
