Video
Read full review
2010-08-13
15 views
新場開左咁耐都未去過, 是晚晚飯剛好在尖沙咀開餐, 搜尋 The ONE 既餐廳途中見到呢間來自北海道函館的雪糕店，標榜採用北海道牛乳炮製, 便決定吃完晚飯一定要來試一下.吃完晚飯係前一間係彩星大廈既餐廳傾傾下不知不覺都十點幾, 驚呢間雪糕台唔知幾點關門, 所以急急腳行去 The ONE...新場果然無乜鋪頭開左, 剩係食肆開左, 購物的還要等一下, 反正都係黎食雪糕, 唔理咯, 去雪糕店要扶手電梯轉升降電梯都幾麻煩...去到 Milkissimo, 見到雪糕櫃前仲有一班人, 心都定左, 店內大概有十來二十個位置坐, 當時可能真係接近關門時間, 已經有空位俾我地坐, 試食小人潮都已散去不少, 咁就開始試食揀味!店員清一色係後生既女仔, 不過有時掛住傾計試食都聽唔到, 當晚試左幾隻味, 包括 (名稱可能簡化左, 知道咩味唔記得全名):朱古力橙: 好似隻朱古力橙餅乾既味道北海道完熟蜜瓜: 好清香, 不過無果肉, 略為失色意大利芝士餅: 因為太小匙, 只係試到甜甜地, 不過睇到係有蛋糕在入面西西里開心果: 都係無果仁, 味道不算濃烈, 不過已經好似平時食緊糖水芝麻糊咁有個種程度既開心果味,
吃完晚飯係前一間係彩星大廈既餐廳傾傾下不知不覺都十點幾, 驚呢間雪糕台唔知幾點關門, 所以急急腳行去 The ONE...新場果然無乜鋪頭開左, 剩係食肆開左, 購物的還要等一下, 反正都係黎食雪糕, 唔理咯, 去雪糕店要扶手電梯轉升降電梯都幾麻煩...
去到 Milkissimo, 見到雪糕櫃前仲有一班人, 心都定左, 店內大概有十來二十個位置坐, 當時可能真係接近關門時間, 已經有空位俾我地坐, 試食小人潮都已散去不少, 咁就開始試食揀味!
店員清一色係後生既女仔, 不過有時掛住傾計試食都聽唔到, 當晚試左幾隻味, 包括 (名稱可能簡化左, 知道咩味唔記得全名):
朱古力橙: 好似隻朱古力橙餅乾既味道
北海道完熟蜜瓜: 好清香, 不過無果肉, 略為失色
意大利芝士餅: 因為太小匙, 只係試到甜甜地, 不過睇到係有蛋糕在入面
西西里開心果: 都係無果仁, 味道不算濃烈, 不過已經好似平時食緊糖水芝麻糊咁有個種程度既開心果味, 對我黎講岩岩好, 所以都揀左呢隻味
Rare Cheese: 呢隻無試味, 但係因為都鍾意芝士味, 一睇到就已經決定左揀呢隻味, 食落好似 cream cheese 咁既味, 有少少酸似似地食乳酪咁, 唔算好濃芝士味, 不過食落都好舒服, 唔錯
今次食左 $39 兩隻味, 朋友叫左綠茶, 蜜瓜, 乳酪味, 但係我有少少後悔無試到最簡單個隻原味牛奶味, 下次要補返呢!
份量方面, 真係有少少撞手神, 睇下佢俾得多唔多, 有時可能入面會有空位, 我個杯好彩都算滿, 朋友個杯就有不少空位...
其實我地十時半過少少order雪糕時已經開始落閘食到十一點十五分左右只剩我地最後一台客, 妹妹們都已經在收拾準備收工, 我地走都記得拜拜我地~
Post
