THE HUNTER

第一次光顧，一入到去本來環境不錯，但無人俾水，無人俾menu, 等左一段時間都係無人招呼，之後叫個女侍應（矮矮地，黑色頭髮）加水，佢一邊講sure一邊走過，等左陣都係無加，到叫第二個女侍應（啡色頭髮少少長）來，才直接攞壺水黎加水。我地19：30落單，叫左兩個餐，等到19：45來了第一個餐，之後第到20：00，第二個餐都係未到，於是就揾左剛剛那個較矮黑頭髮的女侍應問，佢話"OK, I will check" 之後等左陣，都係無回覆，野食仍未到，我有點不耐煩，再問另一女侍應（啡色頭髮那個）之後佢即刻去電腦check, 回覆返我地話：差不多有了，之後多一兩分鐘就來了，最後兩個餐食左$550（連加一服務費）好似無食過野咁，野食份量極少，食物唔係特別好食，二百幾蚊一個餐得幾件牛肉一塊包，另一個又係二百幾蚊，得一件三文魚，4條蘆筍，其他麥都無，服務就簡直係垃圾，一定唔會再去。