高。牽心 (Closed)

嚟得呢個商場，如果唔係睇演唱會，我真係諗唔到乜野原因會係度食。門口有位侍應好友善嘅，不斷推介有乜野好食，但要人齊先入得去。由於我朋友遲到，所以我都等左段時間，佢先俾我入去=_=" 不過佢地啲野真係嚟得好快。呢個餐湯真係唔錯，好重西蘭花同薯仔味，個湯rich得嚟唔會太漏。而我經侍應生嘅推介，就點左呢個新鮮空運安格斯肉眼(9oz)伴黑椒汁，雖然如佢所講真係新鮮運到無雪味，但係連肉味都無.........=0="我真係覺得有少少失望，連黑椒汁都無乜味，真係唔好講希望個汁帶返起啲味道。真係難過極不過見到佢地呢度原來係一間聾健共融嘅餐廳，店裡面亦有好多輔助工具俾客人同侍應溝通，亦都因為咁少左好多侍應交頭接耳嘅情況。呢一點亦值得加分。