Video
Read full review
2019-10-23
39 views
今次同朋友嚟到大埔呢間酒吧餐廳，入到嚟都幾有氣氛，好啱同朋友一齊嚟飲嘢傾計。因為我地都幾大班人，所以嗌咗幾多嘢食，但嚟到樣樣水準都唔錯。我地嗌咗兩個pasta同一個risotto, 首先讚吓個scallop risotto, 啲意大利飯真正燉到外硬內軟，仲一啲麵唔膩。另外仲有個鱸魚猫耳粉，佢舊魚真係好大塊，裝滿咗成隻碟、同埋好鍾意佢個粉煙煙韌韌，好有咬口另外我地仲嗌咗個海灣蝦pizza, 佢啲mozzarella落得一啲都唔手軟，完全做到邪惡拉絲呢個效果。仲有佢係薄批嚟，唔會太heavy, 個邊仲要做到好脆口。我地仲嗌咗啲小食，分別係魷魚筒，避風塘軟殼蟹同汁煮蜆。個魷魚筒好入味，我地好快就清哂成隻。個軟殼蟹好鹹香惹味，如果有嗌啤酒應該會好夾。啲蜆就好大隻，而且啲汁好鮮味，佢仲特登跟咗兩塊包俾我地點汁食。呢度除咗啲classic嘅cocktail, 仲有一啲有特色嘅， 我地都特登嗌咗嚟試。第一隻我地嗌咗個my cup of tea， 入面有杯凍嘅同一壺熱嘅酒。熱嘅cocktail喎，好似真係冇試過，似落甜甜地，有啲暖胃，都幾特別。另外仲嗌咗個tofu pudding, 佢嚟到有壺有酒嘅
另外我地仲嗌咗個海灣蝦pizza, 佢啲mozzarella落得一啲都唔手軟，完全做到邪惡拉絲呢個效果。仲有佢係薄批嚟，唔會太heavy, 個邊仲要做到好脆口。
我地仲嗌咗啲小食，分別係魷魚筒，避風塘軟殼蟹同汁煮蜆。個魷魚筒好入味，我地好快就清哂成隻。個軟殼蟹好鹹香惹味，如果有嗌啤酒應該會好夾。啲蜆就好大隻，而且啲汁好鮮味，佢仲特登跟咗兩塊包俾我地點汁食。
呢度除咗啲classic嘅cocktail, 仲有一啲有特色嘅， 我地都特登嗌咗嚟試。第一隻我地嗌咗個my cup of tea， 入面有杯凍嘅同一壺熱嘅酒。熱嘅cocktail喎，好似真係冇試過，似落甜甜地，有啲暖胃，都幾特別。另外仲嗌咗個tofu pudding, 佢嚟到有壺有酒嘅豆漿同一杯石灰水，staff會即場係你面前倒落去，然後就要合埋個蓋焗佢幾分鐘。打開個蓋真係會變咗豆腐花咁樣，係食得嘅cocktail!食落豆味好濃，然後再有啲酒味，都幾得意。
最後我地仲叫咗啲甜品，完完整整食咗呢餐。第時有嘢慶祝可以再嚟，再飲埋其他特色cocktail🤪
Post
