Tiger San (Closed)

青衣城去得多,第二期另外個商場第一次去,感覺好良好,因為唔算太多人知道,同埋有好多食肆好集中,今日去試一間位於第二邊商場名叫tiger san。午市套餐：蕃茄湯，雜菜沙律香濃鮮蕃茄，蕃茄酸甜度適中，熱辣辣飲完好舒服。健康雜菜，配埋芝麻醬沙律汁，簡直好夾。慢煮牛肉粒野菜糖心蛋烏冬：份量夠大，牛肉粒肥瘦分明，糖心蛋做到好好，有流心嘅效果，配上最高質素嘅稻庭烏冬，煙韌彈牙。美國西冷牛扒定食：厚切牛扒 ，牛肉味相當濃厚，唔會有根，燒到生熟程度剛剛好。其實喺青衣城咁大型嘅商場午餐呢講，價錢算合理，味道相當唔錯，下次可以食其他嘢因為佢午市套餐真係好多選擇。