亞泰

Open Now

Now Closed

家下冇得去泰國，唯有去吓香港嘅泰國餐廳頂吓癮。去左泰國餐廳叫亜泰，係泰國餐廳又點可以唔叫返個菠蘿海鮮炒飯。黃金色嘅炒飯加上肉鬆，同細細片嘅臘腸，配搭得幾好。男朋友第一次食菠蘿海鮮炒飯，食到津津有味。另外叫咗個龍蝦冬陰功河粉，龍蝦肉煮同個河粉都煮得幾'霖‘, 同埋都幾辣，適合鍾意食辣嘅人。菜色配撘幾有新鮮感，喺出邊其他泰國餐廳好少見到。　嘢飲方面嗌左杯龍眼冰同椰汁珍多冰，個椰汁真多冰都真係幾椰汁味重，唔錯唔錯。唔知係咪琴日去完泰國餐廳呢？尋晚發夢同你去咗泰國旅行，然後發現唔記得咗同公司請假。正想打返公司嘅時候醒咗，哈哈！真係有責任感。值得稱讚下自己。