頭啖湯

Open Now

Now Closed

呢排冷風吹襲港，好朋友相約去天后一間馳名遠近嘅火鍋店，食滋潤椰子雞鍋補身養生。交通放便，係天后或炮台山地鐡站都啱，只係行10分鐘都唔洗就到達。地方唔算大，佈置簡單，店舖老闆注重食材方面多一點。真材實料滋潤椰子🐔煲，有半隻黃油新鮮鷄；加理蟲草花、木耳、蟹味菇、白玉丹、竹苼、紅棗、杞子、京蔥同埋主角之一印度椰子，炮製而成，滾起陣陣椰子香味四溢，雞件肉質鮮嫩。手切牛肩胛，色澤鮮豔，放湯拖兩吓入口淋滑甘香。廣島蠔肥美鮮味。雙拼蚌有桂花同珊湖蚌兩種，入口新鮮爽口。店舖其中出名之一係雙拼手打墨魚丸，一種原味墨丸，；另一種有芝士做餡墨丸，兩種味都同樣爽口彈牙。切到一片片薄薄嘅脆鯇片，肉質爽嫩。咁正，下次要帶埋老媽子嚟補身養顔。