Fini's (石水渠街)

Open Now

Now Closed

約咗朋友食飯，朋友就揀咗呢一間美國菜，佢哋嘅Pizza同意粉都係自家製，聽朋友講原來 Finis係2011年香港首間主打New York pizza嘅餐廳。呢度嘅裝修好有美國特色，店員都非常之有善，放工時候好多人happy hour。Popcorn Shrimp爆谷蝦細細舊，一口一啖，外面炸到鬆脆可口，食落去蝦肉彈牙，醬汁帶有少少辣味，非常之惹味。Salami三款香腸各有唔同嘅肉味，鹹鹹香香，用來送酒真係一流，我鍾意配上意式炸包一齊食，食落去外面脆入邊軟心，口感煙韌。Rigatoni Alla Vodka 自製意粉配上餐廳秘製醬汁，非常掛汁，店員喺我面前刨芝士落去，令到個芝士味非常濃郁，十分回味。Tiramisu 可可味濃郁，口感軟綿綿，濕潤嘅蛋糕同埋cream Mix一齊，一啖真係幾層口感，熄晒一件都唔會覺得膩。