Video
Read full review
2013-07-08
1150 views
好耐都無特登九龍城食泰國菜，當然要去探望一下頂頂大名既tony wong！ 去到大概6點幾，星期日都俾人掃哂d cake。望到個玫瑰花蛋糕都心花怒放。都有七，八個人係舖頭入面，舖仔細細都幾逼下，要：唔該借借先行到去入面。 有好多新款，睇到人眼花，睇左咁多件，件件都想食，最終揀左件新既 Raspberry ST Honore Gateau ($45)，同好高既 Cherry Napoleon ($42)。 先件新既 Raspberry ST Honore Gateau。呢件cake深深吸引我，應該用左好多工夫係呢件靚靚細細件cake上面，淨係賣相已經好吸引人。先試小小 Raspberry cream，先係淡淡既味道，之後就帶出酸味，嘩，好酸呀，原來唔可以就咁單食，連埋下面d Napoleon食，好夾，酸味中和左，亦無蓋過 Napoleon 既牛油香，脆脆的酸酸的，很清新，百吃不厭！連我呢個唔中意食 cream既人都覺得好易入口！上面幾塊薄薄脆脆既豬古力就成了點睛之效，總有一個角度係好似坐山咁，三尖八角，成件藝術品味。好睇，亦好食。豬古力味好濃，濃到有一丁點兒苦既味道，加上下面的 Napo
去到大概6點幾，星期日都俾人掃哂d cake。望到個玫瑰花蛋糕都心花怒放。都有七，八個人係舖頭入面，舖仔細細都幾逼下，要：唔該借借先行到去入面。
有好多新款，睇到人眼花，睇左咁多件，件件都想食，最終揀左件新既 Raspberry ST Honore Gateau ($45)，同好高既 Cherry Napoleon ($42)。
先件新既 Raspberry ST Honore Gateau。呢件cake深深吸引我，應該用左好多工夫係呢件靚靚細細件cake上面，淨係賣相已經好吸引人。先試小小 Raspberry cream，先係淡淡既味道，之後就帶出酸味，嘩，好酸呀，原來唔可以就咁單食，連埋下面d Napoleon食，好夾，酸味中和左，亦無蓋過 Napoleon 既牛油香，脆脆的酸酸的，很清新，百吃不厭！連我呢個唔中意食 cream既人都覺得好易入口！上面幾塊薄薄脆脆既豬古力就成了點睛之效，總有一個角度係好似坐山咁，三尖八角，成件藝術品味。好睇，亦好食。豬古力味好濃，濃到有一丁點兒苦既味道，加上下面的 Napoleon 比較甜，起左一個 balance既作用。
隔住Raspberry cream 既一粒粒圓型既物體，表面有一層焦糖，成粒part入口，焦糖甜甜脆脆的，好似食緊冰糖 wo lo 咁，中間原來有d吉士，細看之下仲見到雲利拿籽，好香好滑，好好味。其實中間仲有豬古力 cream，我都係愛黎同下底既Napoleon一齊食，好快就俾我ko左。總結黎講，呢件cake，可以話係接近完美，但真係有唯一一個唔好處，就係好難切黎食，一切落去要禁住另一邊，如果唔係就切唔到。但一切落去Napoleon 碎碎就飛哂出黎，所以呢個cake要好小心好小心咁食。
另外，Cherry Napoleon 係我第2次食，上次係食 Raspberry Napoleon，記得上次d Raspberry好酸。返而今次 d Cherry 無味，有小小失望。呢件cake 又係賣相好靚，除左有 Napoleon之外，仲有吉士。呢件cake又係好難切，總括黎講d Napoleon 好牛油味，咬開左係見到一層一層好鬆脆，不失為另一個好選擇。
Post
