韓二妹

Open Now

Now Closed

今日經過禮頓道對開生果士多舖入口， 有間非常隱世主打韓式食物嘅小店舖。 店舖 open kitchen 配合bar檯， 小貓咪做主題裝修，店主應該養了一隻小貓， 非常可愛有趣，但係可能比較怕醜， 我們亦能偷偷摸了一下。😅😂😹我點左佢的招牌人氣午餐， 甜辣醬炒雞肉飯，還有大醬湯加埋佢哋韓二妹自家製凍奶茶。韓式甜辣醬炒雞肉非常之香口， 配菜以高麗菜、 蘿蔔絲 、洋蔥、芝麻等配料, 加甜辣醬 和雞肉炒勻製成， 製作雖然簡單，但非常有韓式味道。大醬湯可以話係必食之選， 味道完全可以話係同韓國飲嘅大醬湯一模一樣，非常濃郁嘅味噌味道， 再配以非常彈牙的魚片頭和韓式年糕， 真係飲到"雪雪聲"。🤣🤣最後亦點了韓二妹自家製嘅凍奶茶一試， 估唔到都幾有茶味 ，不會過甜， 味道都幾平衡， 食完辣野整返杯中和一下，都係唔錯嘅選擇。😋😋朋友叫的牛肉炒粉絲亦大大份架足料！鑊氣十足。