Doodie Cafe Bar (Closed)

收工同同事喺荃灣覓食！哩間係我地兩個都想試嘅！不過我地無飲酒，都係食食食！叫左一個熱狗、一個雞肉三文治、一個啤酒薯條share! 我地叫左個黑松露醬熱狗，最想食個醬！！！點知佢落錯單，被迫食左個蜜糖芥末醬熱狗！條腸係幾好食～蜜糖芥末醬就無特別啦...都係麥記個d。雞肉三文治d雞肉炸得over左少少，同埋粒粒炸雞塊夾落個包到好奇怪，最後都係分開食。啤酒薯條～無咩啤酒味，唔夠脆口，裡面是fill滿薯仔的，不過上枱仲係熱辣辣！重點是個辣味茄汁（我估係），我地refill左幾次個茄汁，辣辣地又酸酸地，食到唔停口