Amina Modern European (Closed)

和男朋友食法國菜 Fine Dining，尖沙咀廣東道，鬧區位置估唔到有間咁高級嘅私房菜〜地點旺中帶靜，裝潢簡單，情調氣氛一流❤︎ 當晚除咗情侶，仲見有幾枱三五知己〜我地分別要咗個8 course tasting menu首先頭盤是餐廳自家製4款麵包，包身好軟熟、麵包香氣濃，尤其是配搭個特色牛油一齊食，牛油自帶些少鹹香，十分出色青蘋果蜜瓜冷湯，頂部是由青蘋果打起的泡沫，非常清新鮮甜，用來配呢款味道較重、鹹香味濃的谷巴火腿脆片剛好❤︎白露荀冷盤，乾冷墊底伴碟，好特別〜裡面是柚子啫喱配上提子、海藻、露荀等等。酸酸甜甜，十分開胃<3接骨木花漬帶子，我最喜歡呢道菜一上枱已經聞到好清新花果香，非常醒神〜中間白色是接骨木花醬，帶子肥美，最愛兩旁的紅藜麥配飛魚卵，口感豐富，酸酸甜甜又帶點清新，一試難忘，要畀100分！龍蝦湯，未上湯之前先畀我地欣賞下個擺盤，十分精緻、有要求，真正是色香味俱全。火腿餃子配龍蝦慕絲，加埋幾片脆片，添上味道濃郁、較creamy的龍蝦湯，層次分明法國鵝肝，煎得十分靚，內軟而兩面金黃香脆，油脂豐富。中間是溫泉鵪鶉蛋，配白豆蔻奶泡，清淡些少，正好中和一下鵝肝帶來的濃郁油脂味。