Video
Read full review
2023-01-26
1051 views
平時食鐵板燒真心唔平，基本上都要400幾500蚊一個，但係依到最平嘅套餐只需要$168，而且就算咁平都好，都唔係隨隨便便求求其其煮比你食就算，真係會係你面前用心煮比你食唔好以為收你$168就冇好嘢食啊，除咗有食鐵板燒一定要食嘅牛肉之外，仲有蝦、三文魚等等，就算係比較大食嘅人士都夠飽。除咗$168之外，你想食豪也有其他選擇，一樣都係超高性價比，而且因為每一個套餐都有分別，所以同朋友/情人一齊去的話，可以分別叫唔同嘅套餐，咁就可以試多少少唔同嘅嘢。咁我當日同同行人士分別叫咗$168同$268嘅套餐，咁落完單之後好快就有樓面上咗麵豉湯、沙律同前菜，麵豉湯飲落去唔似係嗰啲沖劑麵豉湯，而係自己煮嘅麵豉湯，但係分別又唔算話好大，只不過係比較重味啲，但又唔係鹹味嗰種重味，不過整體嚟講係幾好飲，係少有我會飲晒嘅麵豉湯；咁沙律就冇咩特別，配嘅都係啲好常見嘅沙律汁，而且沙律菜都係新鮮嘅；咁前菜就係好普通嘅胡麻醬青瓜，則係將青瓜切粒之後，再加少少胡麻醬，食落去除咗會食到少少胡麻醬味之外，就係好明顯嘅青瓜味，可能係為咗清一清味蕾（？）所以先設計成咁淡，不過都係前菜唔食都唔緊要咁樣$168套餐先有三文魚同蝦，師
唔好以為收你$168就冇好嘢食啊，除咗有食鐵板燒一定要食嘅牛肉之外，仲有蝦、三文魚等等，就算係比較大食嘅人士都夠飽。除咗$168之外，你想食豪也有其他選擇，一樣都係超高性價比，而且因為每一個套餐都有分別，所以同朋友/情人一齊去的話，可以分別叫唔同嘅套餐，咁就可以試多少少唔同嘅嘢。
咁我當日同同行人士分別叫咗$168同$268嘅套餐，咁落完單之後好快就有樓面上咗麵豉湯、沙律同前菜，麵豉湯飲落去唔似係嗰啲沖劑麵豉湯，而係自己煮嘅麵豉湯，但係分別又唔算話好大，只不過係比較重味啲，但又唔係鹹味嗰種重味，不過整體嚟講係幾好飲，係少有我會飲晒嘅麵豉湯；咁沙律就冇咩特別，配嘅都係啲好常見嘅沙律汁，而且沙律菜都係新鮮嘅；咁前菜就係好普通嘅胡麻醬青瓜，則係將青瓜切粒之後，再加少少胡麻醬，食落去除咗會食到少少胡麻醬味之外，就係好明顯嘅青瓜味，可能係為咗清一清味蕾（？）所以先設計成咁淡，不過都係前菜唔食都唔緊要
咁樣$168套餐先有三文魚同蝦，師傅會喺你面前細心煎好，唔好以為咁平，份量就好少，嚿三文魚都差唔多有我手掌咁長，而且食落去一啲都唔腥，我好怕食熟嘅魚係腥，而呢一間一啲都唔腥，淨係用咗牛油去調味，但係已經好好食，剪得好香；咁蝦又再配啲黑椒同鹽，加上肉質彈牙，個人比較鍾意食蝦多少少，因為惹味啲。
咁$268嗰套餐就係先有鮑魚仔同虎蝦，鮑魚仔用咗黑松露醬一齊炒，所以食落去同聞落去都有好重嘅黑松露味，如果唔鍾意食黑松露，亦都可以叫師傅轉其他調味，而我係超級無敵鍾意食黑松露，所以我覺得超好食；另外虎蝦嘅肉質非常彈牙爽口，只要配少許調味已經足夠
咁食完海鮮就到食肉啦，咁$168就係美國安格斯薄燒牛肉，師傅煎到5成熟，包埋炸到香脆嘅蒜蓉
、煎香左嘅洋蔥粒和葱花，非常惹味，雖然佢有額外嘅醬汁比你點，但係我覺得就咁食佢原味先係最好食
另外$268嘅肉就選擇咗安格斯牛柳，同樣都係煎到5成熟，因為牛柳係食佢嘅肉質鮮嫩，所以太熟會變得太實，太生又食唔到鐵板燒嗰種香，所以5成剛剛好，而且師傅已經調好味，可以不用再加其他調味，不過配上旁邊嘅蒜片一齊食也別有一番風味（蒜片單食也好食，好似食緊薯片咁）
最後仲有炒飯、炒菜同甜品，但係我就唔記得咗影
所以依間真係cp值超多，好值得去試吓
以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
Post
