森川駅弁当 (Closed)

Elements食晏食到好厭之際，忽然見到啱啱開張嘅便當屋，二話不說就衝入去。可能因為新開店嘅關係，店內人頭湧湧，好彩店內佈置簡單並且整齊，所以不至於好逼。便當款式雖然唔算多，但賣相係十足十東京見到咁嘅…… 非常！係非常吸引！最終揀咗「鰻魚便當」，因為怕中伏，所以搵盒份量細少少先。返到Office即試… 嗚呀！！鰻魚汁冇死甜，魚新鮮，皮咬落有韌度，飯粒粒分明，完全係我杯茶。另外，配菜嗰粒白果食落甘甘哋，開胃到呢｡最後要讚係收銀店員嘅好禮貌、笑容令人印象深刻。