Video
Read full review
2022-11-02
89 views
今日又同男朋友一齊食omakase(*ˉ︶ˉ*)俗語都有話，omakase除咗睇食物嘅質素，仲要睇師傅嘅態度xd，今次師傅好吹得!今次揀咗680個part，同480最大分別係480少咗刺身同天婦羅，同壽司款式有些微分別頭盤係南瓜豆腐同鴨肉，豆腐甜甜地又好香南瓜味，食落勁似南瓜芝士蛋糕ಥ_ಥ勁好食！再黎係北海道毛蟹蒸蛋，食到有一絲絲蟹肉係入面刺身分別有3日熟成嘅左口魚薄切同2星期熟成嘅寒師魚（油甘魚嘅大佬🤣），左口魚好嫩滑，當然唔少得佢嘅最住配角柚子酸汁同紫蘇花啦！寒師魚有上下腩，上腩加岩鹽輕輕燒咗帶出香味，下腩就做刺身用醬油漬，加上係用足2星期熟成，勁肥美！食完刺身就到天婦羅，有沙錐魚、青椒、南瓜同磨菇，外脆內軟，同師傅付上嘅海鹽好夾！之後就到壽司登場！第一款係石立，搽上柚子酸汁同加少少檸檬皮，淡口得黎又有口感第二款係帶子，完全係厚切！勁鮮甜同清香，帶子冇一定厚度完全入唔到口，黎舊勁正！第三款係黑鯥，皮輕輕燒過，肉質好彈口，好鍾意呢款魚！第四款係手釣池魚，點解要強調手釣呢？因為手釣嘅魚冇咁掙扎，肉質比起網釣更加鮮嫩第五款係金目鯛，師傅係處理嘅時侯用滾水淖皮，再過冰水，令條魚保持佢原有嘅
今日又同男朋友一齊食omakase(*ˉ︶ˉ*)俗語都有話，omakase除咗睇食物嘅質素，仲要睇師傅嘅態度xd，今次師傅好吹得!
今次揀咗680個part，同480最大分別係480少咗刺身同天婦羅，同壽司款式有些微分別
頭盤係南瓜豆腐同鴨肉，豆腐甜甜地又好香南瓜味，食落勁似南瓜芝士蛋糕ಥ_ಥ勁好食！再黎係北海道毛蟹蒸蛋，食到有一絲絲蟹肉係入面
刺身分別有3日熟成嘅左口魚薄切同2星期熟成嘅寒師魚（油甘魚嘅大佬🤣），左口魚好嫩滑，當然唔少得佢嘅最住配角柚子酸汁同紫蘇花啦！寒師魚有上下腩，上腩加岩鹽輕輕燒咗帶出香味，下腩就做刺身用醬油漬，加上係用足2星期熟成，勁肥美！
食完刺身就到天婦羅，有沙錐魚、青椒、南瓜同磨菇，外脆內軟，同師傅付上嘅海鹽好夾！
之後就到壽司登場！
第一款係石立，搽上柚子酸汁同加少少檸檬皮，淡口得黎又有口感
第二款係帶子，完全係厚切！勁鮮甜同清香，帶子冇一定厚度完全入唔到口，黎舊勁正！
第三款係黑鯥，皮輕輕燒過，肉質好彈口，好鍾意呢款魚！
第四款係手釣池魚，點解要強調手釣呢？因為手釣嘅魚冇咁掙扎，肉質比起網釣更加鮮嫩
第五款係金目鯛，師傅係處理嘅時侯用滾水淖皮，再過冰水，令條魚保持佢原有嘅彈性
第六款係醬油漬吞拿魚，食得出食材好新鮮，淡淡嘅醬油漬已經好足夠
第七款係梭子魚，魚皮充滿油脂，炙燒過後加重油脂香氣，令成舊壽司更加香口
第八款係Bb銀鱈魚，銀鱈魚唔洗講都知係極重油分，都係有炙燒過，令到油脂味更上一層樓
第九款係燒拖羅，由第七款開始就係比較重油脂嘅魚，師傅悉心安排，將最重油脂感嘅拖羅放係最後
最尾當然唔少得馬糞海膽作收尾，又香又濃嘅海膽完全係為成個故事畫上完美嘅句號
之後仲包咗鮟鱇魚肝手卷、麵豉湯、玉子燒膽雪糕，鮟鱇魚肝處理得唔好通常都會帶腥味，但師傅有做好處理，加上係秋冬當做，所以可以話係期間限定，食到咁高質嘅一餐我地都好心滿意足！
Post
