The Butterfly Room

Open Now

Now Closed

Rosewood butterfly room下午茶book位實在不易，因為得12張枱，同埋每張枱都有一個人負責，所以服務方面好細心又會容易留意到閣下嘅需要，由於訂位時網頁menu都無詳細寫出食物嘅種類及明細，所以其實嚟到都唔知有咩食，所以甚有驚喜。裝修唔駛講一定係靚啦，酒店係賣海景但可惜butterfly room位置係Lobby位置，景觀係Carpark 有點可惜，如果升高一至兩層，已經維港美景盡收眼簾。食物方面，先上咸點，由於我地係3位，所以佢好大方地俾4人份量，呢點係要讚嘅。咸點方面三文魚同蟹多士好好食，但食煎堆同义燒酥就略嫌太中式啦，因為傳統上hightea都係想食比較西式嘅食物。甜點方面就大有驚喜，首先嚟過迷你班戟，造功非常精巧，賣相靚之餘仲好好食，有魚子醬及用牛油果打造嘅source 都好出色，配上精緻嘅餐具令人食得好開心。總共有五輪食物，食到第三輪已經好飽，佢地係用餐車送到你面前，先同你解釋再任你揀款式同份量，無限你食幾多，所以400蚊一位嘅價錢可以食咁嘅質素係超值嘅，呢餐我朋友同我都好滿意。