Video
Read full review
2024-01-14
160 views
同朋友慶祝生日，見到網上有人推薦呢間牛魔燒烤店，網上食評又唔錯就決定試吓，一食發現中伏。✨梅酒蕃茄呢度小菜算比較好食，蕃茄清甜開胃，下面有一啲梅酒味嘅果凍，口味清新做前菜唔錯。✨芝士吉列雞髀肉卷味道普通，吉列雞比較乾身，冇咩肉汁，飯都好乾，上面嘅芝士幾香，但整體黎個成個飯卷都係乾乾地✨和牛他他呢度拌左蛋黃、松露醬同蘋果絲，口感幾豐富，但本身生牛肉唔會好濃牛肉味，好依靠醬汁影響成就餸嘅味道。但松露味唔出，反而好大陣牛肉汁嘅味道（韓國牌子果個），有啲蓋過咗蛋黃同松露醬嘅味道。味道中規中矩✨牛舌拼盤本身想嚟食呢個燒肉係因為見到YouTube promotion 入面嘅牛舌好厚，份量好足。上菜牛舌份量仲係好足，但全部都比較薄身（同網上睇有落差） 燒肉時都要多啲技巧，如果唔係好容易熟得濟。✨牛板鍵好普通，油脂香味唔重，肉味都唔算好濃🥲✨豚肉 都係好普通🥲✨封門柳 味道最好，肉質比較軟。但肉上面有好多蒜蓉，而店舖嘅爐火好猛，基本上一放上去燒，反面蒜蓉就會燶+痴住個爐地，但肉又未熟，令到燒好嘅肉都會有就焦焦地嘅味道🥲🤖其他補充餐廳座位係到住廚師枱，但唔會有人幫你燒肉，純粹坐喺廚師枱前面，兩個人食都要
✨梅酒蕃茄
呢度小菜算比較好食，蕃茄清甜開胃，下面有一啲梅酒味嘅果凍，口味清新做前菜唔錯。
4 views
0 likes
0 comments
✨芝士吉列雞髀肉卷
味道普通，吉列雞比較乾身，冇咩肉汁，飯都好乾，上面嘅芝士幾香，但整體黎個成個飯卷都係乾乾地
1 views
0 likes
0 comments
✨和牛他他
呢度拌左蛋黃、松露醬同蘋果絲，口感幾豐富，但本身生牛肉唔會好濃牛肉味，好依靠醬汁影響成就餸嘅味道。但松露味唔出，反而好大陣牛肉汁嘅味道（韓國牌子果個），有啲蓋過咗蛋黃同松露醬嘅味道。味道中規中矩
2 views
0 likes
0 comments
✨牛舌拼盤
本身想嚟食呢個燒肉係因為見到YouTube promotion 入面嘅牛舌好厚，份量好足。上菜牛舌份量仲係好足，但全部都比較薄身（同網上睇有落差） 燒肉時都要多啲技巧，如果唔係好容易熟得濟。
✨牛板鍵
好普通，油脂香味唔重，肉味都唔算好濃🥲
✨豚肉
都係好普通🥲
✨封門柳
味道最好，肉質比較軟。但肉上面有好多蒜蓉，而店舖嘅爐火好猛，基本上一放上去燒，反面蒜蓉就會燶+痴住個爐地，但肉又未熟，令到燒好嘅肉都會有就焦焦地嘅味道🥲
2 views
0 likes
0 comments
🤖其他補充
餐廳座位係到住廚師枱，但唔會有人幫你燒肉，純粹坐喺廚師枱前面，兩個人食都要打橫坐，唔係好舒服。店員亦都唔會主動同你介紹菜品/燒肉嘅烤法，對於一大舊嘅封門柳點燒比較好係唔會有指示，需要主動問店員，上菜速度快，食完又好快收走啲碗碟，唔係坐左好耐。
因為想慶祝生日+睇完網上段推薦，抱咗好大期望先黎食呢間燒肉，但整體而言食物質素唔係好對得住個價錢，640蚊兩個人未計加一，想要飲品要另外加購。
總結：差唔多價錢，我會果斷揀其他燒肉店/牛角放題。🥲
Post
