Video
Read full review
2018-02-15
132 views
最近朋友圈掀起左一陣熱潮，約親食飯都好似會去一啲邊飲啤酒邊食串燒嘅店。今日介紹嘅呢一間「串酒里」位於尖沙咀，粗口手工啤十分出名。當日七點幾到埗，入面都頗爆滿，幸好朋友非第一次食，所以一早預約好，於是夠鐘即時入坐！睇睇餐牌，除咗串燒當然唔少得叫啤酒，呢到嘅粗口啤有不同味道，所以最好睇清楚先好叫啊。有鑑於之前，我地今次每款都係單點一串，寧願試多幾款唔同嘅串燒。最後我地起碼都叫咗26樣，哈哈哈哈，究竟食唔食得哂咖，轉頭就自有分曉。 最先首批到嘅有芝心日本廣島蠔脆棒，味道唔錯，唔會有蠔腥味，熱辣辣十分脆口，最岩我呢啲細路仔。而火雞腎則燒得非常爽口，一啲都唔覺得難嚼。其後，鱿魚筒糯米飯值得一讚，除咗鱿魚筒燒得香之餘，包係筒內嘅糯米飯，調味夠加上海鮮嘅香味撲鼻，冬天食簡直一流！接住，黃金薯圈又係非提不可，非常大盆抵食之外，每一個薯圈都均衡地沾上咗芝士粒，充滿香濃嘅芝士口味，就算唔點茄汁都可以令你無法自拔，配啤酒或可樂係絕配啊。然而萬眾期待嘅牛舌串一到，大家都立即停低，第一時間整番幾舊，牛味確實濃，一串四舊，雖然夠大粒但個人認為口感一般，唔夠林身。反而粟米令我更喜出望外，表面有少許蜜糖，燒至少少焦，
當日七點幾到埗，入面都頗爆滿，幸好朋友非第一次食，所以一早預約好，於是夠鐘即時入坐！睇睇餐牌，除咗串燒當然唔少得叫啤酒，呢到嘅粗口啤有不同味道，所以最好睇清楚先好叫啊。
有鑑於之前，我地今次每款都係單點一串，寧願試多幾款唔同嘅串燒。最後我地起碼都叫咗26樣，哈哈哈哈，究竟食唔食得哂咖，轉頭就自有分曉。最先首批到嘅有芝心日本廣島蠔脆棒，味道唔錯，唔會有蠔腥味，熱辣辣十分脆口，最岩我呢啲細路仔。而火雞腎則燒得非常爽口，一啲都唔覺得難嚼。
其後，鱿魚筒糯米飯值得一讚，除咗鱿魚筒燒得香之餘，包係筒內嘅糯米飯，調味夠加上海鮮嘅香味撲鼻，冬天食簡直一流！
接住，黃金薯圈又係非提不可，非常大盆抵食之外，每一個薯圈都均衡地沾上咗芝士粒，充滿香濃嘅芝士口味，就算唔點茄汁都可以令你無法自拔，配啤酒或可樂係絕配啊。
然而萬眾期待嘅牛舌串一到，大家都立即停低，第一時間整番幾舊，牛味確實濃，一串四舊，雖然夠大粒但個人認為口感一般，唔夠林身。反而粟米令我更喜出望外，表面有少許蜜糖，燒至少少焦，但烤得非常香，配起微甜嘅蜜糖，多汁又香，喜歡BBQ粟米必食！
此時，我地柯打嘅食物陸續送來，分別有大菇、煙肉金菇同豆腐。又一驚艷之作，豆腐。店家選用滑豆腐真係十分明智，外脆內滑個種對比，加上煎炸得夠熱，朋友同我大都盛讚。
大家都心想有啲飽，但最後一擊！豬頸肉、娃娃菜、雞肉串，豬頸肉份量多，醬汁方面個人覺得有啲偏辣，但其他朋友覺得辣度岩岩好，很配啤酒。所以我就以娃娃菜作結停餐，雖然燒得略焦，但水份依然十分足，可謂整晚嘅清泉。
總結，呢度串燒價錢都幾均真，以平時外出聚餐嘅價錢，係呢間鋪頭一齊柯打一齊食，每人可以試到好多唔同選擇，而且飽肚程度係企起身都再食唔落個款。另外上菜速度非常均衡，所以食得切之餘，每樣都係十分熱辣辣！
Post
