Video
Read full review
2024-07-01
7988 views
噚日（30-6-2024 Sun）同老公食完晏去買菜，不如八吓多唔多人排隊買民豐糯米糍，嚟到睇，人龍只排到隔幾個舖位，前三叔公條巷，唔通因為啲人北上消費？咁少人就排吓啦，喺排嘅時候，有職員睇住斷開兩截嘅人龍，防止有人打尖，同俾張紙仔客人填定要咩口味，我哋填好喇，等咗唔夠15分鐘就買到啦，原來啱啱9個，由於冇識認咩味打咩味，我就自己昅實店員執糯米糍嘅擺位，執好後我同老公講，最先嗰3個係開心果，之後係榛子，腰果，花生同豆沙。店員聽到話我知係跟紙仔次序由上而下擺，咁我就放心喇。但如果買唔夠用裝嘅數量，而要膠袋裝呢？咪分唔到？拎到返去就食啦，睇見明顯係比簡品堂大個，依家度吓，直徑約6厘米，約5厘米厚，但如上篇2022年4月9日刊登嘅呢篇食評https://www.openrice.com/zh/hongkong/review/blue-%E7%B4%B0%E9%9A%BB%E5%92%97-e4353731講，一早已經細隻咗。先食開心果味，切開睇，開心果碎好細粒，亦有唔少砂糖，食落，係有開心果嘅味道，不過唔夠簡品堂嘅濃，夾咗砂糖就比較甜，糯米皮依然係軟熟，可能大隻啲，有返食糯米糍嘅感覺。3.5
店員聽到話我知係跟紙仔次序由上而下擺，咁我就放心喇。但如果買唔夠用裝嘅數量，而要膠袋裝呢？咪分唔到？
拎到返去就食啦，
睇見明顯係比簡品堂大個，依家度吓，直徑約6厘米，約5厘米厚，但如上篇2022年4月9日刊登嘅呢篇食評https://www.openrice.com/zh/hongkong/review/blue-%E7%B4%B0%E9%9A%BB%E5%92%97-e4353731講，一早已經細隻咗。
先食開心果味，切開睇，開心果碎好細粒，亦有唔少砂糖，
食落，係有開心果嘅味道，不過唔夠簡品堂嘅濃，夾咗砂糖就比較甜，糯米皮依然係軟熟，可能大隻啲，有返食糯米糍嘅感覺。
3.5分
粉紅色紙墊住嗰個呢？應該係榛子，切開睇，顏色好淺，撩少少餡食，
切開嘅榛子糯米糍
$12
23 views
0 likes
0 comments
似係，但都唔多放心，切開盒中右2嗰個睇，深色好多，老公食咗呢個先，佢話係花生。
咁我食呢個先，榛子味好淡，又係被砂糖嘅甜蓋過啲 ，唔係咁好味。
3分
咁花生餡呢？
味道好夠，即使有砂糖都淹蓋唔到。
4.5分
之後食腰果味，
切開嘅腰果糯米糍
$12
30 views
0 likes
0 comments
同樣腰果味道淡，但比榛子好。
4分
最後係豆沙，但老公話暫停唔食住，要回一回氣，遲啲至食。
到夜晚我哋至食，
切開嘅豆沙糯米糍
$6
31 views
0 likes
0 comments
豆沙餡滑唔太甜，好好味。
5分
其實民豐用砂糖嚟做出脆脆口感，我就寧願要簡品堂嗰隻，不過要有食糯米糍feel，就要揀返民豐。
題外話：
原來佢個盒底有寫成份，不過全部冇寫砂糖。
抵食係2.7分
Post
