Video
Read full review
2022-01-31
797 views
自從葵涌邨疫情爆發後，路過葵青區係死城🥲住喺隔條德士古道就到嘅荃灣區亦出現爆發無一倖免🥺荃灣/荃灣西站附近每間商場商店及餐廳都拍晒烏蠅😪作為街坊可做嘅，就係多幫襯呢區嘅素黃店，希望佢地捱過結業潮，保住自己可揀嘅選擇💛素悅軒，素食車仔麵界算是舉足輕重嘅代表，亦是版主熱愛二人世界嘅地點🥴後巷坐街邊撐枱腳，冇野嘛？呢度食嘅係人情味同良心，除左佢夠黃、免費例湯夠足料，呢度仲會免費派飯盒俾有需要嘅基層，值得支持💛配料一半純素一半蛋奶素，素友可以根據自己需要自由配搭。無論係咩素食流派都唔怕冇材料可揀。麵底例如幼麵粗麵都含有蛋，喇沙湯底就有奶⋯order之前記得小心啲揀😀麻辣湯三餸車仔麵 坊間麻辣米線9成9都係肉湯底💩香港素食米線除左三哥都冇乜，喺素食青年好多人最多人推薦呢間就當然試下😆麻辣湯夠味偏鹹，就算叫小辣都好夠辣，以麻辣湯佢算唔多油，健康人士都唔驚，唯獨唔夠香料香味，只有辣味略嫌單調。叉燒夠香賣相亦唔錯，冇螢光色👍🏻麵筋質感幾腍滑有輕微肉感，只係唔夠燶邊🤣冬菇唔會太韌，但偏細粒又有啲菇腳冇剪就減分🥴用素蠔油炆煮，味道同普通蠔油冇太大分別，味道唔差如果用返大隻啲嘅花菇就更好。至於私心想試多啲原
素悅軒，素食車仔麵界算是舉足輕重嘅代表，亦是版主熱愛二人世界嘅地點🥴後巷坐街邊撐枱腳，冇野嘛？呢度食嘅係人情味同良心，除左佢夠黃、免費例湯夠足料，呢度仲會免費派飯盒俾有需要嘅基層，值得支持💛
配料一半純素一半蛋奶素，素友可以根據自己需要自由配搭。無論係咩素食流派都唔怕冇材料可揀。麵底例如幼麵粗麵都含有蛋，喇沙湯底就有奶⋯order之前記得小心啲揀😀
麻辣湯三餸車仔麵 [全素湯底］
🌱叉燒［全素］⭐️
🌱蠔油冬菇［全素］
🥚鹵水蛋［蛋奶素］
車仔麵
$48
63 views
1 likes
0 comments
坊間麻辣米線9成9都係肉湯底💩香港素食米線除左三哥都冇乜，喺素食青年好多人最多人推薦呢間就當然試下😆麻辣湯夠味偏鹹，就算叫小辣都好夠辣，以麻辣湯佢算唔多油，健康人士都唔驚，唯獨唔夠香料香味，只有辣味略嫌單調。
叉燒
79 views
0 likes
0 comments
叉燒夠香賣相亦唔錯，冇螢光色👍🏻麵筋質感幾腍滑有輕微肉感，只係唔夠燶邊🤣冬菇唔會太韌，但偏細粒又有啲菇腳冇剪就減分🥴用素蠔油炆煮，味道同普通蠔油冇太大分別，味道唔差如果用返大隻啲嘅花菇就更好。至於私心想試多啲原型食物就叫左隻鹵水蛋，偏淺色但質感好老，鹵水味不過不失，唔需要特登試，鹵味舖10粒3隻鹵蛋抵食啲😂
肉骨茶三餸車仔麵［全素湯底］
🌱蘿蔔［全素］⭐️
🥚牛蒡扒［蛋奶素］
🥚沙嗲牛肉［蛋奶素］
肉骨茶車仔麵
$48
47 views
0 likes
0 comments
純素肉骨茶車仔麵坊間罕見🤤對比其他湯底，呢個係最高性價比！聽店員講係特登喺馬來西亞訂貨返嚟自製湯底，除咗明顯食到八角、茴香等香料，亦偏重五香粉，偏重口味食完要飲水💦
呢碗試左牛蒡扒同沙嗲牛肉。兩種配料都好明顯素肉質感，牛蒡扒有少少牛蒡絲，其餘都係大豆纖維同模仿肉味嘅調味劑，對於唔鍾意素肉嘅人就唔推薦，不過佢冇新餐肉咁鹹到腎虧，加上煎過幾香口，試一次還好🤷🏻♀️但沙嗲牛肉就真心唔似😂賣相偏乾冇咩沙嗲醬，雖然有味，不過素牛肉偏韌有渣，咬落偏粗糙好明顯豆乾，覺得中伏🥴蘿蔔大大件清甜冇渣，份量好多，車仔麵常客無誤。
蘿蔔牛蒡扒沙嗲牛肉肉骨茶湯米粉
$48
33 views
0 likes
0 comments
車仔麵
$48
40 views
0 likes
0 comments
欣賞你無論叫咩配料，佢會自動搭幾條菜俾你，所以精明自製四餸麵就係叫餸唔好叫時菜🤣
整體素湯底性價比高，配料就睇你叫咩取決，個人建議可以試叉燒、蘿蔔，以及出名嘅炸薯片👍🏻素魚蛋素鴨素牛肉素扒等可以解決下口感嘅空虛，不過味道唔算特別。或者你地下次可以試多啲新配料，話我知有冇更好食嘅配搭🙃
Post
