Video
Read full review
2021-02-19
2317 views
呢間係我食過比較出乎預料既餐廳，因為就咁路過見到間餐廳裝潢比較舊，而且座位比較少，入去時，都覺得只係一間普通既茶餐廳。一入到，見到店員用消毒噴霧清潔枱面，衛生不錯👍服務態度好好，又介紹我地食咩餐，而且見我地係女仔就好貼心咁問「洗唔洗少麵，因為個份量都比較多」。我叫左沙姜雞翼和滷肉撈麵，碗野一到，不禁皺一皺眉：「乜沙姜和滷肉夾味咩？」但一食落口，真係好好食，無諗過會咁夾🤤而且好足料，啲滷肉唔係肉碎黎。其後我地都有叫外賣，叫左炸豬扒，啲豬扒熱辣辣又大塊，上面有啲椒鹽粉，好抵食！其實重點係杯野飲「黑糖燕麥」，軟綿綿又唔會太甜，好有口感，飲完已經好飽肚，但真係好滿足！一餐$45！又好食又飽到可以頂兩餐！我好少寫食評，但呢間野無論服務態度同埋食物質素都令我讚不絕口！
一入到，見到店員用消毒噴霧清潔枱面，衛生不錯👍服務態度好好，又介紹我地食咩餐，而且見我地係女仔就好貼心咁問「洗唔洗少麵，因為個份量都比較多」。
我叫左沙姜雞翼和滷肉撈麵，碗野一到，不禁皺一皺眉：「乜沙姜和滷肉夾味咩？」但一食落口，真係好好食，無諗過會咁夾🤤而且好足料，啲滷肉唔係肉碎黎。
其後我地都有叫外賣，叫左炸豬扒，啲豬扒熱辣辣又大塊，上面有啲椒鹽粉，好抵食！
其實重點係杯野飲「黑糖燕麥」，軟綿綿又唔會太甜，好有口感，飲完已經好飽肚，但真係好滿足！
一餐$45！又好食又飽到可以頂兩餐！
我好少寫食評，但呢間野無論服務態度同埋食物質素都令我讚不絕口！
107 views
0 likes
0 comments
黑糖燕麥
101 views
0 likes
0 comments
大王炸豬扒
123 views
0 likes
0 comments
Post
