黃廚味道

Open Now

Now Closed

整體食物質素麻麻 不會再次幫襯叫了一個雞飯與豬扒撈面 飯與面都是偏凍 面口感偏硬 而且沒有味道 完全無法理解而雞有點帶血 未熟的感覺 可能是急凍原因豬扒則太重調味料 鹹到難以入口 而且表面亦明顯被很多調味料覆蓋整塊豬扒 不太健康 亦可能想使用重味以蓋過豬扒的原先味道雖然並不是很貴的價格 但相比起一般茶餐廳 50元已吃到不錯的美食 這間餐廳絕對不是首選我依然會推薦區內其他美食 唯一可讚的是湯的確是用心熬製 十分美味

一兩年前偶然到呢度食飯，又係食呢個無骨雞髀飯加山楂丁香。食完之後真係念念不忘好想再嚟。無骨雞扒淡淡肉配上而家製沙薑汁，再飲一啖山楂丁香，有山楂嘅酸甜味，再配上口味獨特嘅丁香味。真係唔好講笑，嚟食過先知道。街坊仔生意，唔好預咗佢裝修有幾靚，多數都要搭枱。

間唔中就會想黎食大王炸豬排，份量多又好味今日叫左炸豬排撈麵（$52)同埋無骨雞腿飯($52)，一個餐要例湯一個餐要椰汁黑糖紅豆（其實即係紅豆冰）例湯足料無味精，合掌瓜豬骨湯無骨雞腿好滑嫩配沙薑汁，好味招牌大王炸豬排！第一次去既一定要試呢個三大塊，香酥好味，揀左配蔥油 而家份量都好多，不過以前好似再多D個時買外賣真係夠食2餐同埋原來已經由$48加到$52, 不過依然係抵食既留意返呢度2點半至5點半會落場，要睇住時間過黎食～

屯門美食其中一間收藏已久既餐廳....但次次都就唔到時間 ,搞到食唔到 今次終於夾好時間再出發,位置唔算響市中心 要西鐵再轉輕鐵先到一去到都見到好多""街坊"" 已經食緊, 睇落應該都唔會差得去邊叫左最出名既雞撈面同咖哩黎到既時候,兩碗野賣相都非常"靚仔" 雞脾好軟滑,係個面就差D咖哩都好好味,但如果再辣D 會再好味D但兩個味道都唔係話驚為天人,只屬正常多少少如果我住附近 依間一定會成為飯堂~但專登入去就....總結: 住附近街坊既話就會好開心,專登去就未必值得

如果唔係細佬話俾我們一家人知，我都不知道屯門盈豐園商場有間隱世人氣美食店 <黃廚味道>，還要其招牌菜之一是被稱為最港最好食雞腿飯！ 店名 <黃廚味道> 的"黃廚"比較細，起初媽咪也找不到！店子並非每日都開，原來是星期日休息！當媽咪想星期日不煮飯，買外賣飯盒，怎料無開，只好期待下次公眾假期又不是星期日來幫襯吧！店內桌子有好幾張，相對有點迫！！餐牌無骨雞腿飯 $48豉油雞腿入味之餘，肉質柔軟嫩滑多汁的， 淋上薑蓉，有別於其他坊間的薑蓉，沒有加薑，缺乏獨有的清香，薑的辛度亦不會搶喉！足料靚湯：蓮藕花生雞骨湯足料甜美，最重要的就是很大碗！媽咪話，堂食比外賣更大碗呀！ 整餐好抵食！

Massaman咖哩王牛肋條飯 $48第一次食就畀佢啲香氣吸引，濃沃嘅咖哩香吸引食慾，味道雖然偏辣，但係就食唔停口。牛肋條份量度足夠，而且口感軟淋，亦都炆得好入味，一啖肉配一啖飯，滿足感十足。咖哩飯上面有時會有香菜，唔抗拒香草既我冇咩所謂，但係如果唔食得香菜就記住出聲話佢知啦。佢啲嘢飲全部都好特別，我叫咗個特製黑糖燕麥，個餐包埋唔使加錢，黑糖嘅味道令人雀躍不已，甜度十足，燕麥增添唔少口感，十分特別，係我首推既飲料。外賣佢係用whatsapp落單，而且都回覆得幾快，態度亦都十分有禮，外賣準時，服務認真唔錯。

今次間小店係屯門🐻同事推介，而家變左飯堂咁樣 😏 佢地都多野食選擇，而且價錢唔貴，味道仲要係五星級 🤩 有次同老闆傾計先知佢就係大廚，曾經去過外國、漢莎航空等做過廚，而且好著重食物質素同安全， 🥰 留意番佢哋星期一至六做中午11:30-14:30 同晚上 17:00-21:00 兩個時段咋 🤗⁡🐻の試食‼️✨ 黃廚去骨雞脾撈麵/飯 $48 ✨ 厚切大王炸豬撈麵/飯 $48⁡以上尼兩款都係🐻推介，雞脾啖啖肉又滑，炸豬勁厚好酥脆，可以揀蔥油汁/黑椒汁/麻辣汁/沙薑汁/蒜蓉汁，蔥油同沙薑都好正✨ 另外佢哋間唔中有啲特色推介，例如肉醬/紅燒牛肋腩 🥰 飲品都係自家制，或者揀佢哋既足料靚湯 🤩 $48去邊搵‼️

餐廳鋪面不大,亦無華麗裝修,但檯面都很清潔整齊,抵讚!第一次光顧的客人,老闆娘都很親切地介紹鋪頭招牌菜。食物份量十足! 例湯亦都十分足料,而且頗大碗。鹵水去骨雞髀非常嫩滑,雞皮鹵水很入味,非常好食!!厚切炸豬扒有三大塊,份量十足!感覺有點像台式酥炸豬扒,但卻少了台式的熱氣感覺,外脆肉juicy,配合醬汁,餸飯餸麵一流!一個餐才$48.....夫復何求!!

今次用餐感受只能用驚喜嚟形容。 是日入屯門，喺盈豐園商場搵到黃廚味道。餐廳面積骨子，光線柔和充足，環境、檯凳、餐具都非常乾淨企理，半開放式廚房亦井井有條，用餐區零油煙味、冇嘈雜聲。一入門口老闆娘已好親切招呼入坐、介紹菜式。叫左兩個招牌主菜：去骨雞配薑蔥配撈麵、咖哩牛肋配飯；小食清湯蘿白、蒜香雞翼尖、油菜心配豬手汁。主菜我地揀左飲湯(另可揀自家製飲品)，係店家煲嘅花生眉頭湯，落足靚料冇味精，大大碗，好好飲。清湯蘿白冇渣兼入味，湯清甜唔咸可以空口飲；油菜心揀左配豬手汁，豬手汁好特別，唔係一般好搶嘅花椒八角味，而係淡淡嘅藥材香味，傾偈得知係老闆親自倒熬製嘅recipe，唔係街買現成嘅調味包。蒜白雞翼尖相當惹味，辣勁十足！叫左杯凍檸檬蜂蜜薏米水(店家是日自家製飲品)解一解，清新微甜好解渴，薏米煲得夠林有趙口。冇諗過廿零蚊一份嘅小食竟然咁有水準！去骨雞好嫩滑入味、肥瘦適中，撈麵係粗麵底好爽口煙un，配薑蔥汁好夾，下次會試沙薑汁。咖喱牛肋亦好出彩，咖喱汁係老闆秘製，咖喱味香濃有層次又唔滯，牛肋鮮嫩同薯仔都好入味，撈飯一流。每個主菜送湯或飲品，如此質素，都只係50蚊有找。一定會再幫襯。

沙薑汁唔會太鹹，雞肉食落幾嫩滑。同埋，外賣係分開飯同送上，所以唔驚啲餸汁浸住啲飯。以$30呢個價錢來講，cp值真係幾高。同埋枝飲品店家自制的山渣丁香，酸酸味味咁幾開胃。

咁好嘅餐廳有乜理由冇人識 之前佢未搬上去樓上嘅時候寫過一兩次已經覺得好驚艷 個蔥油雞髀飯我夠膽講一般茶餐廳一定食唔到呢個質素 賣緊幾十蚊食到個慢煮雞髀飯 真係邊度搵 點知後嚟去到間鋪唔見左以為佢執左 真係覺得好可惜 後來先知搬左上樓上 鋪頭仲要大左 可惜撞着疫情 唉 喺香港做食肆真係慘 而家疫症期間鋪頭只做外賣全部飯餐只係$30真係抵到爛 不過平係次要 最緊要賣緊呢個價錢質素一啲都冇差到 我老婆同個仔今個星期食左兩次蔥油雞髀飯 真係好食得好緊要 大大啖雞髀每啖都係嫩滑蔥香另外試左佢個水煮牛肉 真係冇唸過$30可以食到一個咁高質素嘅水煮牛 仲要份量唔係少 絕對夠一個成年男人一餐 至於飲品方面前面都好多人講左 奶茶同檸茶個甜度係預先調制左 唔會太甜但絕對好味 良心細鋪你要頂住呀 好少寫食評 希望可以等多啲人認識呢間咁有心嘅小鋪 加油呀 !

作為屯門牛仔嘅我想介紹以一間係建生既小店「黃廚味道」，今次就叫左佢地最出名既去骨雞脾同大王炸豬扒飯，佢會有蔥油、豉油、沙姜汁、黑椒汁或咖喱汁。-沙薑汁無骨豉油雞髀 $45沙薑汁唔會太鹹，送飯一流，雞髀勁滑又大隻。-咖喱汁大王炸豬扒 $45 好多人都推薦佢既咖喱但我又想食豬扒所以就將佢混合🤤豬扒熱辣辣又大塊上邊有椒鹽粉。炸起上嚟唔會太乾身。-整體來講呢間小店確實唔錯，$45大大盒飯包埋嘢飲仲想點住屯門嘅你不妨試吓❤️

02.11.2021 星期一Dickson Kitchen 黃廚味道之前公司有試過「黃廚味道」，好味又抵食，所以叫外賣了一段日子；可惜據說送外賣的靚聲哥哥不做了，所以停送了。直至最近餐廳主動WhatsApp ，通知又可以送貨了。餐牌的食物選擇不少，跟以前差不多，最吸引仍然是最出名的去骨大雞脾同大王炸豬扒飯，有䓤油、豉油、沙姜、黑椒汁或咖喱汁，美味又選擇多。想講講大雞脾真是大大隻，不是浪得虛名。另外，同事叫的瑞士豬扒，有兩大塊，女士食量少甚至可以兩人分享一份。而且白飯份量很大，為免浪費，食量不大可以叫少飯。同事叫的滷肉瑞士雞翼飯和肉骨茶飯也是不錯的選擇，各人所好。想講$45一個午餐，除了又大份又好味，還要送上飲品，最喜歡就是樽仔奶茶和黑糖燕麥，味道濃但會偏甜少少，甜的一定好啱飲。今次自己叫了泡菜，據說是自家製期間限定，$20一盒份量不少，$10跟餐，偏酸爽脆，大家自己試試。

呢間餐廳我成日食以前係地下 依家搬上樓上大咗好多堂食位都多咗一半我次次食都係外賣 堂食都係第一次佢地無骨雞髀一定要食！！！大大舊仲要勁滑！但可能會有啲生要咗個無骨雞髀撈麵店員會問食唔食得曬一個 食唔曬可以俾少啲食緊既時候聽再後面啲男人話少少都係好多下次要直接少一半😂😂😂撈麵有幾種汁揀 我淨係要咗多豉油仲叫咗個雞髀咖哩飯 佢哋嘅咖喱係偏辣少少同埋感覺堂食既飯係少過外賣既不過都係好抵食！$45一個飯/麵仲包自家製既野飲個人推薦山楂丁香同樽仔奶茶奶茶好勁 次次飲都會瞓唔着呢間真係住附近既飯堂！佢地既炸豬排都好推薦大大舊 即叫即炸胡椒豬肚湯都好飲

又一間晚市無堂食的果籽店, 睇片已經萬分期待, 平日收工特意坐多幾個站, 在建生落車, 結果門外大排長龍, 人人等外賣。 幸好店家手腳快, 一個咖哩牛腩飯, 一個蔥油豬扒撈麵, 一枝夏枯草, 一杯檸檬薏米水, 轉眼就有, 飲品給人家庭式經營的小店感覺, 未食先暖開箱了, 兩大塊豬扒, 勁厚實, 皮炸得可香脆, 原塊剝落就跟墨西哥芝士脆片差不多, 無骨, 但有勁大舊肥膏。蔥油超大坨瑟縮一角, 千萬要撈勻！因為只有蔥油的部份有醬油, 否則...咖喱如同小影片所言, 超多薯仔和蔬菜幼粒, 汁液沒有很濃稠, 偏辣, 牛腩是腍的但沒有很入味, 盲測未必食得出是咖喱。 方向對味了, 距離好味還差少許, 是街坊的經濟實惠之選