L.D.K. by Ufufu Café (新城市廣場) (Closed)

放工搵飯食，意粉癮起，去食ufufu先。我點左厚切煙肉蕃茄卡邦尼意粉，加38元有沙律同 焗酥皮粟米湯。酥皮湯嘅酥皮做得唔錯 好香，湯亦都夠熱， 飲完好滿足😍。厚切煙肉蕃茄卡邦尼意粉 ,同我想像中嘅味道有啲出入,好似酸咗少少。 本身以為係有好重嘅卡邦尼汁味 加蕃茄粒😅。煙肉 係切厚條狀的煙燻豬肉，而唔係平時茶餐廳早餐嘅煙肉塊。加點左黑松露忌廉可樂餅。炸得 香香脆脆， 同埋有幾香的黑松露香味，好好食。鹿兒島和牛漢堡咖哩蛋包飯就得到一致好評 。無論係咖哩汁、蛋包定係漢堡，水準都令人滿意。和風蜆肉意粉就清清地 ，蜆肉夠新鮮，分量充足。呢間嘅份量足夠 ，價錢都合理,會再嚟食。