Video
Read full review
2008-06-05
話說早陣子上o黎睇過哩間野既食評都幾好咁，不過，食完之後，係好失望。兩男一女既組合，叫左一個二人套餐再加一個黑椒牛柳粒炒紅飯同埋越式春卷。套餐有：餐湯兩個 (sorry, 唔記得咩名)、越式生牛肉河粉、越式四小碟 (有牛油雞翼、越式春卷、牛肉蝦片及水晶蝦卷各2件)、軟腳蟹柚子沙律、蒜蓉大蝦皇，仲有甜品。先黎既係兩個湯，其實佢係一個蕃茄菠蘿紮肉湯。好唔好飲，見仁見智。不過，唔鍾意食熱菠蘿同奇特味道既你，就千奇唔好試。第二道上既就係黑椒牛柳粒炒紅飯。本來意為真係炒健康米既紅飯，點知係蕃茄炒飯，仲要係上半部份係紅色下半部份係蛋炒飯 ( 因為佢係搵個好似啫喱杯咁既野 cup 個飯出黎。至於個牛柳粒，都炒得幾嫩口，食得出有黑椒味，好微辣，唔食得辣既人都應該ok食到。不過佢個汁都係搵蕃茄做，即係可以講，哩個係蕃茄牛柳粒炒飯。第三道菜係越式四小碟同埋越式春卷(有伴菜隨同)。先試左春卷。好熱，好味，好新鮮。個皮幾脆，用黎包哩個春卷既生菜幾新鮮，包埋個春卷一齊黎食令到個春卷食起上黎唔油膩，唔錯唔錯。至於四小碟，一向好有衣食既朋友S 叫我唔好食個水晶蝦卷，而我自己就同朋友S講牛肉蝦片就只係食左個蝦片上面D
兩男一女既組合，叫左一個二人套餐再加一個黑椒牛柳粒炒紅飯同埋越式春卷。
套餐有：餐湯兩個 (sorry, 唔記得咩名)、越式生牛肉河粉、越式四小碟 (有牛油雞翼、越式春卷、牛肉蝦片及水晶蝦卷各2件)、軟腳蟹柚子沙律、蒜蓉大蝦皇，仲有甜品。
先黎既係兩個湯，其實佢係一個蕃茄菠蘿紮肉湯。好唔好飲，見仁見智。不過，唔鍾意食熱菠蘿同奇特味道既你，就千奇唔好試。
第二道上既就係黑椒牛柳粒炒紅飯。本來意為真係炒健康米既紅飯，點知係蕃茄炒飯，仲要係上半部份係紅色下半部份係蛋炒飯 ( 因為佢係搵個好似啫喱杯咁既野 cup 個飯出黎。至於個牛柳粒，都炒得幾嫩口，食得出有黑椒味，好微辣，唔食得辣既人都應該ok食到。不過佢個汁都係搵蕃茄做，即係可以講，哩個係蕃茄牛柳粒炒飯。
第三道菜係越式四小碟同埋越式春卷(有伴菜隨同)。先試左春卷。好熱，好味，好新鮮。個皮幾脆，用黎包哩個春卷既生菜幾新鮮，包埋個春卷一齊黎食令到個春卷食起上黎唔油膩，唔錯唔錯。至於四小碟，一向好有衣食既朋友S 叫我唔好食個水晶蝦卷，而我自己就同朋友S講牛肉蝦片就只係食左個蝦片上面D 牛肉好啦，朋友S諗住應該都唔會咁差既心態下夾起左成個蝦片之後即刻放低。因為好多油響碟底之餘，塊炸蝦片係淋既。之後我問牛油雞翼既情況係點，佢只係望左我一眼，之後又擰擰頭。吓﹖牛油雞翼都擰頭，我冇睇錯呀嘛。我望響朋友W，佢都係冇反應既。
第四道菜蒜蓉大蝦皇，朋友S比既評語係「佢有蝦既外在，但係有魚既內涵。」點解﹖因為個蝦除左蝦尾有蝦既口感外，其他地方都係一條魚應有既口感。朋友W 仍然係不發一言，默默地吃。
第五道菜越式生牛肉河粉，湯同牛肉河粉係分開上。黎到果時，個河粉上面既牛肉，係生既。不過，個侍應哥哥黎到，二話不說就將滾熱辣既湯向住牛肉淋落去。登時，生牛肉河變左熟牛肉河(勁無奈=_= …) 。素來都喜歡湯河既我同朋友S，第一時間就試左兩口個湯。試完，兩個人一齊放低個碗，唔出聲。再試個河粉，可能大家都唔慣果隻味，大家都係試左一啖，又放低左。最後，發覺成碗河粉最好味既，係淥熟左既牛肉。(不過，佢係「生」牛肉湯河喎)….
最後，甜品係印尼千層糕。有椰子味同咖啡咪。都係果句，一般啦….
總結三個人既意見係：
我：唔會有下次。
朋友S：佢有蝦既外在，但係有魚既內涵。我都係第一次食。
朋友W：不如我而家比左錢，轉頭落去樓下打邊爐。
埋單差唔多四百五十大元，即係每人大約一百五十元。我明白，四百幾三個人食飯唔應該要求d 咩。不過，如果你做一個差唔多三百蚊既二人餐但係個食物質素係咁樣既，你有再好既服務，都係好難會令人再有番去食既意欲。
Post