阿四快餐

Open Now

Now Closed

今日下午我們去咗旺角通菜街諗著睇吓揀邊間餐廳食飯好，之後見到呢間叫「Uncle 4」餐廳覺得個名都幾特別，所以我們就入咗去食下午茶！我們叫咗豬扒小鍋米線嘅米線煮得好腍身，唔係好彈牙，湯底嘅味道比較淡，豬扒煎得唔係好香口，但肉質都幾鬆化！鷄脾小鍋拉麵嘅拉麵亦煮得腍身咗啲，但都算彈牙，而炸鷄脾分開另上，炸得都幾金黃香脆，肉質好嫩滑，而且肉汁都幾多！乾炒黑椒牛柳烏冬嘅烏冬好煙韌彈牙，牛柳嘅肉質都幾鬆軟，黑椒汁好惹味濃郁，但味道唔會過鹹，而且份量都幾大碟！